बिध्यापुर ८ सुर्खेत मा रहेको जाजुरा दह
Showing posts with label मनोरञ्जन. Show all posts
Showing posts with label मनोरञ्जन. Show all posts
Friday, February 24, 2017
विदेशमा बसेर मलाई ‘नेपालकी तेरिया’ भनेर चिनाउँछु ’
Sunday, October 9, 2016
Saturday, October 8, 2016
युवतीले करोडपती वृद्धसँग विवाह गरिन्ः ३ महिनापछि थाहा भयो, श्रीमान् आफ्नै हजुरबुवा
Saturday, October 1, 2016
यस्तो छ १८ बर्षमै मोडलिङ्मा जमेकी बिनाको सफलता
Monday, March 17, 2014
काफलघारीमा बाँदरको आतंक
कास्की (काफलघारी) चैत ३ – पोखराबाट ७ किलोमिटर पूर्व लागेपछि कास्कीको कालिका गाविस काफलघारीमा पुगिन्छ ।
जहाँका वासिन्दाले बिहानदेखि बेलुकीसम्म बाँदर कुर्ने ड्यूटी गर्नुपर्छ । यताबाट लखेट्दा उताबाट बारीमा छिर्छ, उताबाट लखेट्यो फेरि अर्कोतिरबाट । त्यहाँका बासिन्दालाई बाँदरको ड्युटी गर्दा खाना खाने फुर्सद समेत हुँदैन । ‘जति गर्दा पनि बाँदरबाट मुक्ति पाइएन, घरमा बुढाबुढी मात्रै छौं, पालो गरेर खाना खानुपर्छ’ स्थानीय योगमाया भण्डारी भन्नुहुन्छ ‘एउटा बोटमा एक किलो आलु फल्थ्यो, जोगाउन नसके पछि खेती गर्नै छोड्यौं । अहिले किनेर खानुपर्छ ।’
वरिपरी घना जंगल, त्यसको बीचमा बाक्लो वस्ती र उर्बरभूमि छ । तर बाँदरकै लागि खेती गरिदिए जस्तो हुन थालेपछि त्यहाँका वासिन्दा खेतीपाती गर्नै छोडिसके । कृषक समूहका सचिव इन्द्रप्रसाद गौतमका अनुसार शुरुमा त बाँदरले नखाने खेती गर्ने तयारी भएको थियो । 
बाँदरले पहिले पहिले मुला, केरा, प्याज, लसुन खाँदैनथ्यो । तर अहिले सबै चिज खाने र नष्ट गर्न थालेपछि त्यो योजना पनि सफल हुन सकेन । ‘बाँदरले भेटेको चिज केही पनि चोखो राख्दैन । त्यसैले काफलघारीका बासिन्दाले अलिअलि बचेका केरा, मेवा पनि प्लाष्टिकले बेरेर राख्नुपरेको छ’ उहाँले भन्नुभयो ।
बाँदरले पहिले पहिले मुला, केरा, प्याज, लसुन खाँदैनथ्यो । तर अहिले सबै चिज खाने र नष्ट गर्न थालेपछि त्यो योजना पनि सफल हुन सकेन । ‘बाँदरले भेटेको चिज केही पनि चोखो राख्दैन । त्यसैले काफलघारीका बासिन्दाले अलिअलि बचेका केरा, मेवा पनि प्लाष्टिकले बेरेर राख्नुपरेको छ’ उहाँले भन्नुभयो ।
केही समय पहिलेसम्म बाँदरले यति धेरै सताउँदैनथियो र मान्छे देख्दा भाग्थ्यो पनि । तर अहिले अन्नवाली नष्ट गर्ने मात्र होइन, बाँदरले मान्छे माथि नै पटकपटक आक्रमण गरिसकेको छ । स्थानीय ६० वर्षकी लक्ष्मीमाया भण्डारीलाई घरमै पुगेर बाँदरले आक्रमण गर्यो । 
‘घरभित्रबाट मकै लिएर फर्कने क्रममा उसलाई अवरोध गरेपछि चिथोरेर भाग्यो’ लक्ष्मीमायाले भन्नुभयो ‘पहिलेको बाँदर यस्ता थिएनन्, मान्छे देखेर डराउँथ्यो, अहिले धेरै शुरु भएछ । मलाई चिथोरेरै गयो ।’
‘घरभित्रबाट मकै लिएर फर्कने क्रममा उसलाई अवरोध गरेपछि चिथोरेर भाग्यो’ लक्ष्मीमायाले भन्नुभयो ‘पहिलेको बाँदर यस्ता थिएनन्, मान्छे देखेर डराउँथ्यो, अहिले धेरै शुरु भएछ । मलाई चिथोरेरै गयो ।’
युवाहरु गाउँमा छैनन्, कोही जागिरमा त कोही विदेशमा । घरमा पुरुष छैनन् । केटाकेटी र महिलालाई बाँदरले टेर्दैन । त्यसैले बाँदरले पेटभरी अन्नबाली खाएर वा नष्ट गरेर जाँदा पनि हेरेको हेरयै हुनु परेको छ त्यहाँका महिलाहरु । स्थानीय अम्बिका भण्डारीका अनुसार बाँदरले पनि महिलाहरुलाई हेप्ने गरेको छ । ‘पुरुषहरु देख्दा डराउँछ, हामीलाई देखेको नदेख्यै गर्छ, यताबाट हान्दा उता फर्कन्छ’ अम्बिका भन्नुहुन्छ ‘बाँदर भगाउन नसक्दा त खेतीपाती नै बाँदरका लागि गरिदिए जस्तै भएको छ । पेटभरी भएर जाँदा र सबै नष्ट गर्दा पनि चुप लागेर बस्नु पर्छ कि, कि डरले लुक्नुपर्छ ।’
महिलाहरु स्वभावैले नरम स्वभावका, दया गर्ने र डराउने, आत्तिने, कराउने खालका हुन्छन् । बाँदरविद डा. मुकेश चालिसे भन्नुहुन्छ ‘यो कुरा बाँदरले बुझिसकेको हुन्छ, जसले गर्दा बाँदरले महिलालाई बढी हेप्न खोज्छ ।’ यस्तै पुरुषको तुलनामा महिलाहरु छरितो भएर नहिँड्ने, साडी, फरिया, सल लगाएर हिँड्ने र त्यसले भाग्दा अल्झिने, लड्ने भएकाले बाँदरले त्यसलाई महिलाको कमजोरीका रुपमा लिन्छ र झनै हेप्न खोज्छ । 
अहिले नेपालमा एक लाखभन्दा बढी बाँदर रहेको अनुमान गरिन्छ । वासस्थानको विनास, संख्यात्मक बृद्धि र जंगलमा प्रयाप्त आहारको कमीले बाँदर मानव वस्तीमा जाने क्रम बढेको छ । त्यसैले बाँदरबाट जोगिन केही उपाय अपनाउनुपर्ने चालिसेको सुझाव छ । उहाँका अनुसार, बाँदरले अमिलो, पिरो, तितो वा गन्ध आउने चिज बढी रुचाउँदैन । त्यसैले उसले नखाने खेतीपातीतिर बढी ध्यान दिनुपर्छ ।
अहिले नेपालमा एक लाखभन्दा बढी बाँदर रहेको अनुमान गरिन्छ । वासस्थानको विनास, संख्यात्मक बृद्धि र जंगलमा प्रयाप्त आहारको कमीले बाँदर मानव वस्तीमा जाने क्रम बढेको छ । त्यसैले बाँदरबाट जोगिन केही उपाय अपनाउनुपर्ने चालिसेको सुझाव छ । उहाँका अनुसार, बाँदरले अमिलो, पिरो, तितो वा गन्ध आउने चिज बढी रुचाउँदैन । त्यसैले उसले नखाने खेतीपातीतिर बढी ध्यान दिनुपर्छ ।
साह्रै बदमास बाँदर छ भने त्यसलाई भगाएर आफ्नो वासस्थानबाट टाढा भगाउनुपर्छ । आवश्यक परे सरकार वा सम्बन्धित निकायसँग अनुमति लिएर वा सल्लाह गरेर बाँदरलाई हटाउन सकिन्छ । अनि बाँदरले धेरै नै दुःख दिने गरेको भए त्यसलाई समातेर औषधि विज्ञानमा पठाई दिनुपर्छ । ताकि औषधिको परीक्षणमा बाँदर प्रयोग होस् । किनकी संसारभरि औषधि विज्ञानका लागि भनेर दशौं हजार बाँदर प्रयोग गरिएको हुन्छ ।
Saturday, March 15, 2014
कृषिबाटै सक्षम र उदाहरणीय बन्छु: बिनिता बराल
चपली हाईट मार्फत नेपाली सिने जगतमा उदाएकी नायिका बिनिता बराल अहिले सिनेकर्मी भन्दा बढि अर्गानिक किसानका नामले बढि चर्चामा छिन् । कृषिलाई सम्मानित पेशा बनाउने अभियानमा लागि परेको बताउने बरालले हाल काठमाडौको टोखामा १० रोपनी जग्गा भाडामा लिएर प्राङ्गारिक खेती सञ्चालन गरिरहेकी छन् भने काठमाडौंकै लाजिम्पाटमा बिनिदि अर्गानिक पसल समेत सञ्चालनमा ल्याएकी छन् ।
अर्गानिक खेती अभियानमा समेत लागेकी अभिनेत्री बरालसँगको संक्षिप्त कुराकानीःरंगिन रंगमञ्चलाई छाडेर किन सबैले हेपेको कृषिमा आउनुभयो ?
रंगमञ्चलाई छाडेको छैन । हामी कृषि प्रधान देशमा जन्मिएका हुनाले कृषि हामी सबैको कर्तब्य हो । मैले पनि कृषिमा केही योगदान गर्न सक्छु किनकी म एक जना कृषकको छोरी भएको नाताले केही गर्न सक्छु भन्ने आंटले यता लागेकी हुँ । सबैले हेँला गरेको पेशा भईदियो कृषि जबकि नेपाल सक्षम हुने एउटै मात्र आधार हो । मैले कृषिमा आफ्नो उत्तरदायित्व सम्झेर लागेकी हुं ।
सिनेमा नपाएर कृषिमा लाग्नुभएको त होईन रु असफल हुन्छु भन्ने डरले कृषिमा लागेपछि चर्चा पाईन्छ भनेर पो हो कि र?
कतिपयले यसरी पनि हल्ला गरेको पाएँ । मेरो चपली हाईट भन्ने सिनेमाले कति सफलता पायो भन्ने त सबैलाई थाहा भएकै कुरा हो । त्यो हिसाबले त असफल भन्न नमिल्ने नै हो । मैले फिल्म क्षेत्र त छाडेकै छैन नि । मेरो बिचारमा कृषि क्षेत्र त्यस्तो पेशा होइन जुन अन्य क्षेत्रबाट असफल भएपछि मात्र गरिन्छ । तैंले केही गर्न सकिनस् अब हलो जोतेर खा भन्ने पेशा कृषि हुंदै
होईन । यस्तै सोंच ,बिचार र संस्कृतिले गर्दा नेपालमा युवाहरु कृषिमा आउन नसकेका हुन् ।
त्यसोभए अब समाजसेवा पनि गरौं भन्ने मनसायले यता आउनु भएको हो र?
होईन ठ्याक्कै समाजसेवा भनेर मात्रै म यो पेशामा आएको होईन । कृषिबाट म आंफै सक्षम भएर समाजलाई उदाहरण देखाउन खोजेको हो । कृषिमा मैले आफ्नो भबिष्य खोजिरहेकी छु । मलाई कृषिमा भबिष्य छ भनेर पनि थाहा छ । म आफै पनि पैसा कमाउन चाहन्छु र समाजलाई पनि सकारात्मक सन्देश दिन चाहन्छु । बिशेषतः युवा पुस्तालाई, त्यसैले पनि म कृषिमा लागेकी हुं । कृषि प्रधान देशमा बसेर, किसानकै छोराछोरी भएर कृषि पेशा गर्नेलाई हेला गर्ने संस्कृतिले कसरी देशको बिकास हुन सक्छ ?
कृषिबाटै जीवन धानिन्छ जस्तो लाग्छ र?
मैले जीवन धान्ने आधार र सक्षम हुने आधार नै कृषि बनाउन खोजेकी हुँ । म कृषिकर्म गरेरै कार चढ्ने बन्न
चाहन्छु । कृषि गरेरै ठुलो महल खडा गर्न चाहन्छु । मलाई कृषिबाट राम्रो भबिष्य बनाउन सकिन्छ भन्ने देखाउनु छ ।
त्यसोभए तपांई किसान र?
हो , तर किसान र सिनेकर्मी दुवै । तर कसैले किसान विनिता भन्दा बढि गर्वको अनुभुति हुन्छ ।
कृषकलाई कसरी बुझ्नुहुन्छ ?
मैले किसान भन्दा त्यस्तो ब्यक्ति जसको शारिरिक शक्ति , मानसिक शक्ति उसको धैर्यता , क्षमता र उसको एकतालाई बढि बुझ्छु । तर साधारणतया मानिसहरुले किसान भन्नासाथ मैला लुगा लगाएको पसिना आउने ,मकै ,चिउरा खाईराखेको सबैभन्दा निम्नस्तरको जीवन बाँच्ने
बुझ्छन् । तर मैले त्यसरी बुझ्दिन । किसान भनेको महान् मान्छे हो ।
हाल कृषिमा के के गरिरहनुभएको छ र?
मैले टोखाको १० रोपनी जग्गामा सिजनल अर्गानिक तरकारी खेती गरिरहेकी छु । त्यो बाहेक लाजिम्पाटको सांग्रीला होटेल अगाडि अर्गानिक पसल पनि खोलेकी छु । दःुख गरेर उत्पादन गरेर मात्र हुँदो रहेनछ त्यसलाई सही तरिकाले बेच्न नसक्दा नोक्सान हुनेरहेछ भन्ने बुझेर हामीले लाजिम्पाटमा सानो अर्गानिक आउटलेट पनि राखेका छौं । यो काममा म मात्रै एक्लै होइन हामी दुईजना छौ । निरन्जन जी र
म । हामीले पाट्नरशिपमा यो फर्म सञ्चालन गरेका छौं ।
अर्गानिक खेतीतर्फ कसरी लाग्नुभयो र?
हामीले कृषि गर्ने त भन्यौं तर फेरी मानव स्वास्थ्यलाई नकारात्मक असर गर्ने बिषादी राखेर ब्यापार गर्दा हामी जस्तो बुझेका मान्छेले गर्न हुँदैन बरु नबुझेका मानिसलाई पनि जनचेतना फैलाउनुपर्छ र प्रेरणा दिनुपर्छ भनेर हामी लागेका हौं । पैसा कमाउने
मात्र उद्देश्य राखेको भए म पनि बिषादीयुक्त खेती गर्न जान्थे होला । मानिसलाई स्वस्थ राख्न खाना खुवाउने हो न कि झन् रोगको कारण बनाउन । यसैले अर्गानिक खेती तर्फ लागियो । सबैको घरमा क्यान्सर अथवा कुनै न कुनै रोग हुनुको कारण बिषादीले नै गर्दा हो । त्यसैले नेपालबाट बिषादीलाई हटाउनुपर्छ भन्ने अभियानमा म लागेकी हुँ ।
Wednesday, March 12, 2014
अब पानीबाट रक्सी बन्ने
केही दिनअघि सम्म भगवानले मात्र पानीलाई पानीलाई रक्सीमा परिवर्तन गर्न सक्थे । तर अब जोकोहीले यसो गर्न सक्ने छन् । यसको लागि तपाईंहरुले केवल ४९९ डर तिरेर मिराकल बोतल किन्नुपर्ने छ ।
यो बोतलले काम गर्ने प्रक्रिया निकै सरल छ, यसमा पानी हाल्नुहोस्, बाहिर वाइन निस्किन्छ । सबैभन्दा रामाइलो कुरा के छ, यसमा विभिन्न स्वाद र प्रकारको वाइन पनि बनाउन सकिन्छ । यस्तो चमत्कारी मेसिनको निर्माण गर्ने कम्पनी हो अमेरिकाको क्यालिफोर्नियामा रहेको कस्टमभाइन । यस मेसिनलाई प्रयोग गर्न प्रयोगकर्ताले उक्त मेसिनमा रहेको डब्बमा आवश्यक सामग्री राख्नुपर्छ । त्यसपछि त्यसको मेनुमा रहेको वाइनको प्रकार छानेर त्यसमा पानी हालेर मेसिनलाई चालु गर्नुपर्छ । केही समय पर्खेपछि त्यस बोतलमा रक्सी निर्माण हुन्छ । रक्सी भयो कि भएन भनेर तपाईंले जाँच पनि गरिराख्नुपर्दैन । यसलाई तपाईंको स्मार्टफोनमा जोडेर प्रक्रियालाई जहाँकहीँ बसेर नियाल्न सक्नुहुनेछ । यो प्रक्रिया पूर्णरुपमा सकिन र पानीबाट वाइन बन्न करिब ३ दिन समय मात्र लाग्छ । यस कम्पनीका सिइओ केभिन बोयर भन्छन्, ‘यसले केही सामग्री राखेपछि पानीलाई वाइन बनाउँछ । यो गर्दा समय र पैसा दुवैको वचत हुन्छ ।’ एउटा बोतल वाइन बन्दा करिब २ डलर मात्र खर्च लाग्ने गर्छ । अहिले कम्पनीले यस प्रकारको मेसिनको व्यवसायिक रुपमा निर्माण गर्नका लागि अहिले किकस्टार्टरमा रकम संकलन गर्दैछ ।
Friday, March 7, 2014
विवाहको भोली पल्टै रेजिनाका पति लण्डन उडे
नायिका रेजिना उप्रेतीसँग विवाह बन्धनमा बाँधिएकै भोली पल्ट उनका पति सुरज पोखरेल लण्डन उडेका छन् ।
बिगत ६ बषदेखि लण्डनमा बस्दै आएका सुरज पोखरेलसँग रेजिनाको काठमाडौंको बल्खुस्थित भुवनेश्वरीदेवीको मन्दिरमा शुक्रबारमात्र विवाह भएको थियो ।
विवाहको भोली पल्टै लण्डन उडेका पतिलाई छाड्न शनिबार विमानस्थल पुगेकी रेजिनाले बिबाह भएकै भोलीपल्ट श्रीमानलाई विमानस्थलमा 
छाड्न जाँदा केही नरमाइलो लागेको बताईन् ।
छाड्न जाँदा केही नरमाइलो लागेको बताईन् ।
‘पहिलो चोटी भेट भएको हैन, पाँच वर्षअघि देखिको भेटघाट हो’ सुरजको र आफ्नो लण्डन आउने जाने क्रम चलिरहने भन्दै रेजिनाले उज्यालो अनलाइनसित भनिन् ‘तर त्यस्तै नराम्रो भन्ने चैं छैन ।’
धादिङकै बासिन्दा सुरजसँग रेजिनाको ५ वर्षदेखि प्रेम सम्बन्ध थियो । सुरज लण्डनमा रहेको आफ्नो मामाको ट्राभल एजेन्सीमा कार्यरत छन् ।
फागुन १० गते नै उनीहरुबीच विवाह हुने तय अनुसार सुरजले छुट्टी पनि मिलाएको र पहिल्यै लण्डन जाने टिकट काटिसकेको कारण हतार हतार गएको रेजिनाले बताइन् ।
सुरजको आफन्तको निधन भएपछि फागुन १० गतेका लागि तय गरिएको विवाह रोकिएको थियो । विवाह एक हप्ता सारेपनि फेरि रेजिनाको घर परिवारमा जुठो परेपछि उनको कन्यादान मावली पक्षले गरिदिएका हुन् । विवाहमा सिमित सञ्चारकर्मी बाहेक अन्य कलाकारहरु कोही देखिएनन् ।
रेजिनाले बिबाहको एक हप्ता अघि फागुन १० गते नै कलंकीको एक ब्याक्वेटमा भव्य पार्टी दिएकी थिइन् । जहाँ उनका समकालिन कलाकार सञ्चारकर्मी तथा विभिन्न राजनैतिक दलका नेता तथा कार्यकर्ताकहरुको बाक्लो उपस्थित रहेको थियो ।
खुलामञ्चमा सुरुवाल, आकासेपुलमा लिपिस्टिक (फोटोफिचर)
राजधानीका सार्वजनिकस्थल व्यापारीको कब्जामा
माघ, काठमाडौं । पञ्चायतकालमा राजनीतिक दललाई काठमाडौंको खुल्लामञ्चमा आमसभा गर्ने छुट थिएन । यद्यपि खुल्लामञ्च अहिलेजस्तो अतिक्रमित अवस्थामा थिएन । लोकतन्त्रमा त झनै राजधानीमा कम्तिमा एउटा आमसभास्थल सुरक्षित रहनुपर्नेमा कट्टु र सुरुवालको व्यापार गर्ने थलोमा रुपान्तरित भएको छ काठमाडौंको खुल्लामञ्च ।
अनलाइनखबरका फोटोग्राफर वीर अस्पताल नजिकैको खुल्लामञ्चमा पुग्दा उदेकलाग्दा दृश्य देखिए । वीर अस्पतालपट्टकिो भागमा आधाजति ढाकेर गाडी पार्किङ गरिएका थिए । उत्तरपूर्वीभागमा कपडा व्यापारीदेखि मकै र रोटी पोल्नेहरुले धुँवा उडाइरहेका थिए ।
खुल्लामञ्चभित्रै पसेर हेर्दा कोही माछा बेचिरहेका, कोही रोटी पकाइरहेका भेटिए भने कोही झोला, जुत्ता, बेलुन र सुरुवाल किनमेल गरिरहेका अवस्थामा फेला परे । खुल्लामञ्चको भित्तापट्टी एक वृद्ध ‘वनझाँक्रीबाट चिताएको काम पूरा हुने’ ब्यानर टाँगेर झोक्राइरहेका थिए ।
यात्रुको रहेन आकासेपुल
यात्रुहरुलाई बाटो काट्नका लागिबनाइएका रत्नपार्क आसपासका आकासेपुल पनि यात्रुलाई हिँड्नै बाधा पर्ने गरी व्यापारीले कब्जा जमाएका छन् । आकासेपुलमा कोही मकै पोलेर पैसा गनिरहेका भेटिन्छन् त कोही फुटपाथे सामानको मोलमोलाइ गरिरहेका हुन्छन् । रानीपोखरीबाट भोटाहिटीतर्फ जाने आकासेपुल बाटो काट्ने यात्रुका लागि नभई व्यापारीका लागि बनाएको प्रतीत हुन्छ ।
सडक व्यापार : राजधानीको जटिल समस्या
राजधानीको सडक जतिसुकै विस्तार गरिए पनि सडकमा निस्केर सामान बेच्ने साना व्यापारीहरुको समस्याबाट राजधानी झनै आक्रान्त बन्दै गएको छ । संविधानसभा भवन अगाडि बेलुका हुँदै गएपछि पेटीमा हिँड्नै सकिन्न । यात्रु हिँड्ने पेटी व्यापारीले कब्जा गरेपछि यात्रुहरु वीच सडकबाटै हिँड्न बाध्य हुने गरेका छन् । के सडक, के पेटी, के आकाशे पुल र के खुल्लामञ्च, जतासुकै सडक व्यापारीको कब्जा छ ।
कुनै राजनीतिक दलले खुल्लामञ्च भरिने गरी प्रदर्शन गर्छु भन्यो भने त्यो अब हास्यास्पद हुनेछ । किनभने खुल्लमञ्च पहिल्यै भरिइसकेको छ । काठमाडौं महानगरपालिकाले अस्वीकार गर्दागर्दै गृहमन्त्रालयले खुल्लामञ्चमा प्रवेश गराएका व्यापारीहरु अब प्रहरीको गतिलो लाठीचार्जविना शायदै बाहिरिएलान् । तर, त्यसबेला उनीहरुले खुल्लामञ्च कब्जा गर्न पाउनुपर्ने मागसहित आन्दोलन गरे भने त्यसलाई पनि अनौठो नमाने हुन्छ ।
Thursday, March 6, 2014
टाढैबाट सेक्स गर्न मिल्ने प्रविधि आयो !
के तपाईं आफ्ना प्रेमी प्रेमिकादेखि टाढा हुनु भएको छ ? यहाँ यस्तो प्रविधिको चर्चा हुँदैछ जसको मद्दतले तपाईं जहाँ जतिसुकै टाढा भए पनि आफ्नो प्रेमी प्रेमिकाका गोप्य अंगहरु प्रेमपूर्वक स्पर्श गर्न सक्नु हुन्छ ।
सुन्दा अपत्यारिलो लागे पनि तपाईं टाढै बसेर अब आफ्ना प्रेमी या प्रेमिकासँग सहवासको आनन्द लिन सक्नु हुन्छ । कन्डोम निर्माण गर्ने कम्पनी ड्यूरेक्सले यस्तो अन्तरवस्त्रको निर्माण गरेको छ कि जसमा जोडिएको सेन्सरले महिला र पुरुषको गोप्य अंगहरुमा प्रेमीको स्पर्शको अनुभूति र उत्तेजना पैदा गर्नेछन् ।
फन्डवियर्स नाम दिइएको यस्तो प्रविधि जोडिएको वस्त्रलाई तपाईका प्रेमी या प्रेमिकाले स्मार्टफोनको माध्यमबाट चाहेको समयमा छुन र नियन्त्रण गर्न सक्नेछन् । सायद अब हामी पनि यो प्रविधिको प्रयोग गर्नेछौ छिट्टै :
मोबाइलको कारण नायिका क्षितिजा तनावमा : “म नेता होइन, अभिनेत्री हुँ प्लिज”
सधैं बजीरहने मोबाइलको रिङ्ग टोन पनि आज कर्कश लाग्न थालेको छ उहाँलाई । एउटासँगको धन्यवाद र बधाइ खान पाएको छैन पुनः अर्को रिङ्ग टोन….उफ् …….हरे राम…….! हेलो….दिदीलाई बधाई छ…..शुभकामना….“कङ्ग्राच्युलेसन”……! राम्रो गर्नु पर्छ अब त, सबैलाई काम गरेर देखाउनु पर्छ………यस्तै यस्तै शुभकामना र बधाइहरुले आजकल दिन भरी नै कान टट्याई रहेको छ मोडल तथा नायिका क्षितिजा शाक्यको
। सोचमा पर्नु हुन्छ उहाँ र कल्पनाले झप्पक्क छोप्छ एक क्षण “आफूद्धारा अभिनित चलचित्र मिस नेपालको भरखर मात्र काठमाण्डौंका केहि हलहरुमा च्यारिटी सो प्रर्दशन भएको थियो ….सोचेको भन्दा पनि राम्रा बनेछ “मिस नेपाल” ! अभिनय राम्रो गर्ने प्रयास त गरेकै हो, पर्दामा त झनै राम्रो पो भए छ की क्या हो ! मेरो अभिनयबाट प्रभावित भएर मलाई यत्रो बधाइ र शुभकामना …….होइन, होइन……यति मात्र त अवश्य होइन ।” दोस्रो दिन त दिन भरी मोबाइल अफ गर्न बाध्य नै हुनु प¥यो । कसलाई भन्ने ! के गर्ने ! उफ्……..! तेस्रो दिन मोबाइल अन मात्र के गरिएको थियो फेरि त्यहि ताल ………! के भइरहेको छ यो ! कसको काम होला !…..अनि बिगतमा भएका यस्तै अपरिचितका अनौठा बातचितहरुको स्मरण गर्नु भयो नायिका शाक्यले । “ओहो….! केहि महिना अघि पनि मलाई यसरी नै कल आउने गरेको थ्यो । कोशेली ल्याएको छु……तपाईको बसोवास कहाँ निर हो ?…..रड् कहाँ झार्ने हो…..सिमेन्ट…..आदि इत्यादि । …स्मरण नटुङ्गिदै पुनः कल “म नेता होइन, अभिनेत्री हुँ प्लिज…….ए त्यसो पो ! …..म शिक्षा मन्त्रि ज्यू होइन ।” बल्ल पो पत्तो लागेछ, शिक्षा मन्त्रि चित्रलेखा यादबको मोबाइल नं. सँग मिल्दो जुल्दो भएकै कारण केहि दिन यतादेखि यत्रो तनाव झेल्नु परिरहेको रहेछ नायिका क्षितिजालाई, धन्न पत्तो पाइन । हत्तेरी मिल्दो जुल्दो नम्बरले पनि कति दुःख पाइने रहेछWednesday, March 5, 2014
चराले पनि गर्छन् सम्बन्ध बिच्छेद
काठमाडौं, फागुन २१ - एक अर्कासंग चित्त नबुझे दाम्पत्य जीवनमा समस्या आउन कुनै नौलो होइन ।
एक अर्कासंग संगै जीवन बिताउन कठिन माने
महिला/पुरुषले सम्बन्धबिच्छेद गर्नुलाई सामान्य रुपमै लिईन्छ, तर त्यस्तो
सम्बन्धबिच्छेद मानिसले मात्रै होइन चराले पनि गर्छन् भन्दा अनौठो लाग्न
सक्छ ।
एक अध्ययनका अनुसार चराका केहि यस्ता
प्रजाती हुन्छन्, जसले आफ्नो पति/पत्नी भन्दा अरु चरा आकर्षक देखे वा
दाम्पत्य जीवनमा खटपट भए सम्बन्ध तोड्ने गर्छन । अध्ययन अनुसार यस्ता चराले
आफ्नो जोडीसंग झगडा भएमा वा अर्को चरा सुन्दर देखे सम्बन्धविच्छेद गर्न ढिला गर्दैनन ।
आफ्नो जोडीसंग झगडा भएमा वा अर्को चरा सुन्दर देखे सम्बन्धविच्छेद गर्न ढिला गर्दैनन ।
केहि चराहरु सम्बन्ध बनाउन पनि शौखिन हुने
गरेकाले पनि उनीहरुको सम्बन्ध लामो समयसम्म नटिक्ने भारतको अलिगढ मुस्लिम
युनिभर्सिटीका वन्य जन्तु विभागका प्रोफेसर एचएसए याहयाले गरेको अध्ययनमा
पत्ता लागेको छ । उनले ४० वर्षदेखि चराका बारेमा अध्ययन गर्दै आएका छन् ।
सानो तोपचरा सबै भन्दा धेरै जोडी बनाउने
प्रजातिमा पर्छ । भाले चराले गुँड बनाउँदा बनाउँदै आधीमा नै छोडिदिन्छ र
जोडी पाएपछि दुईटै मिलेर गूँड बनाउने गर्छन् भने पोथी चराले राम्रो भाले
भेटे पुरानो जोडीलाई छोडिदिने गरेको छ । यस्तै भाले मयूर जोडी खोज्न खप्पिस
हुन्छन् । जोडी बनाउनका लागि विशेष खालको आवाज निकालेर नाच्ने भाले मयूरको
कलाबाट पोथी मयूर निकै प्रभावित हुने गरेका छन् ।
अमेरिकन मोकिंग वर्ल्ड, पोलिएन्ड्री र
वर्ल्ड अफ प्याराडाईज प्रजातिका चरामा पोथीहरु एक भन्दा बढी भालेसँग
सम्बन्ध कायम गर्ने गर्छन् । एक भन्दा बढी भालेसँगको सम्बन्ध नै सम्बन्ध
बिच्छेदको मुख्य कारण बन्ने गरेको छ ।
गलत साथीको चयन वा आफ्नो जोडी दुर्घटनामा
घाईते भए भाले या पोथी दुवैले जोडी तोड्ने गरेका छन् । आफ्नो जोडी भन्दा
बाहेक अरु भाले बढी आकर्षक भए पोथी चरा साथी छोड्न ढिलाई गर्दैनन् ।
चराविद् हेमसागर बरालका अनुसार यो एउटा
प्राकृतिक प्रक्रिया नै भएकाले अनौठो मान्नु पर्दैन । बराल भन्नुहुन्छ
‘केहि प्रजातिका चरा एक पटक जोडी बनेपछि जीन्दगीभर जोडी टुटाउँदैनन भने
केहि चराको गुण नै सम्बन्ध धेरै बनाउने खालको हुन्छ ।’
अब यस्तो भयो भने चल्छन् नेपाली फिल्म
यतिबेला शहरमा चर्चा छ त नेपाली फिल्म ‘६ एकान ६’ को । निर्माणपक्षले बताएअनुसार फिल्मले ‘उधुम’ व्यापार गरिरहेको छ । हलवालाहरुले पनि यसको पुष्टी गरिरहेका छन् । मिडियामा पनि फिल्मको रेस्पोन्स राम्रो छ । लामो समय पछि एउटा नेपाली फिल्मले दुई हप्ताको बिचमा २ करोड बराबरको व्यापार गरेको छ । फिल्मको व्यापारले यसको निर्माताहरुलाई त हँसाउने नै भयो, यसले नेपाली फिल्म मेकर्सहरुलाई एउटा राहत दिएको छ ।
फिल्म फ्लप हुनु नेपाली फिल्म उद्योगमा अब नौलो कुरै रहेन । कतिपय फिल्मले त पानी समेत माग्न पाउँदैनन् । पछिल्ला दृश्यहरुलाई हेर्ने हो भने नेपाली फिल्महरु कुनै पनि व्यवसायिक रुपमा सफल हुन नसकिरहेको अवस्था थियो । राष्ट्रिय दैनिक कान्तिपुरको समाचारअनुसार हेर्ने हो भने,‘देशभरका सिंगल थिएटरमा पनि ‘छ एकान छ’ ले नै वर्चस्व कायम राखेको छ । अहिलेसम्मको ग्रस आम्दानी दुई करोड नजिक छ, निर्मातासमेत रहेका कलाकार दीपकराज गिरीका अनुसार यो फिल्म जम्मा ६५ लाख रुपैयाँमा बनेको हो ।’
यो फिल्मसँगै जुधेको अर्को फिल्म वितेका पल ले पनि पुर्व तिर सिंगल थिएटरमा राम्रो व्यापार गरिरहेको रिपोर्टहरु आएका छन् । धुम थ्री ताका बलिउडी हेजेमोनी रहेको नेपाली फिल्मको मार्केट अहिले ठ्याक्कै मोडिएको छ । यसलाई नेपाली फिल्म मेकर्सहरुले कसरी ग्रयाब गर्ने हुन् त्यो भने अबको दिनले अवश्य देखाउला ।
फ्ल्यासब्याक :
नेपाली फिल्म धमाधम फ्लप भैरहँदा संकटकालसम्म लगाउने कुरा आउँदा केहि वर्ष अगाडी फिल्म लुट आयो । विषयवस्तु, प्रस्तुतीकरण र कलकारहरु केहि नयाँ थिए, त्यो फिल्ममा । तत्कालिन समयमा लुटले नेपाली दर्शकलाई हलसम्म तान्यो । फिल्मले नेपाली फिल्म उद्योगमै एउटा नयाँ अध्यायको शुरुवात गरेको मानियो । लुट सँगसँगै आएको अर्को फिल्म ‘चपली हाईट’को पनि व्यापार राम्रो भयो ।
नयाँपन भएकै कारण लुट र चपली हाईटले दर्शकलाई आकर्षित गरे । तर त्यसपश्चात सबै फिल्म या त लुट पाराको या चपली हाईट पाराको बन्न थाले । मुलधारको एकैखाले फिल्म हेरेर दिक्क भएका दर्शकहरु पुनः एउटै खालको प्रस्तुतीकरण र कथा भएको फिल्म हेर्न छोडे । लुट र चपली हाईटको नाम जप्दै कतिपय छाडा फिल्महरु पनि बने । र, ती फिल्मले राम्रा भनिएका अन्य फिल्मको व्यापारमा समेत प्रत्यक्ष असर पारे । फिल्म चल्न छोड्यो ।
अहिलेको स्थिती :
लामो समय पछि आएर अहिले नेपाली फिल्मप्रति पुन: दर्शकहरु तानिएका छन् । कान्तिपुरका अनुसार अहिले मल्टिप्लेक्सहरुले पनि यो फिल्मको शो बढाएका छन् । सिंगल थिएटरमा पनि दर्शको संख्या दोस्रो हप्तासम्म आईपुग्दा बाक्लै भएको रिपोर्ट छ ।
दर्शकहरुको प्रतिक्रियालाई आधार मान्ने हो भने यो फिल्म चल्नुको मुख्य कारण भनेको मनोरञ्जन हो । दर्शकले यसलाई ‘पैसा असुल’ फिल्म भनेका छन् । दर्शक फिल्म हलसम्म मनोरञ्जन मात्र प्राप्त गर्न जान्छन् भन्ने कुरा यसले पुष्टी गर्दछ । फिल्ममा कमेडी छ त्यसैले दर्शकले यसबाट मनोरञ्जन प्राप्त गरे । त्यसैमाथि यो फिल्ममा त्यस्ता कमेडियनहरुले मनोरञ्जन गराएका छन्, जो पहिल्यैदेखि दर्शकको प्यारो बनिसकेका थिए । त्यसैले अब नेपाली फिल्मले मनोरञ्जनका लागि कमेडी बेसका स्टोरीहरुलाई समात्ने र त्यस्तै फिल्मको लर्को लाग्ने छाँटकाँट पनि यसले देखाएको छ ।
यस्तो फेरी हुन सक्छ है ?
लुट हिट भएपश्चात थिएटर आर्टिस्टहरुले फिल्ममा खुब चान्स पाए । केहि समय थिएटर आर्टिस्टकै हालिमुहाली फिल्ममा चल्यो । तर कुनै पनि फिल्मले लुट जस्तो व्यापार गर्न सकेनन् । जुन तामझामका साथ थिएटर आर्टिस्ट आए, त्यसरी नै उनीहरु सेलाए । धेरै थिएटर आर्टिस्टहरु यतिबेला नाटकतर्फ नै फर्किएका छन् । फिल्ममा उनीहरुको माग अहिले घट्दो छ । फेरी त्यहि ट्रेन्ड समात्ने हो भने अबका फिल्महरुमा कमेडियन आर्टिस्टलाई लिने क्रम बढ्न सक्छ । स्टोरी पनि सबै एकै खाले हुन सक्छन् । र, फेरी दर्शक विच्किन सक्छन् । त्यसैले हरेक फिल्मलाई लुट र ६ एकान ६ जस्तै हिट बनाउनका लागि नेपाली फिल्म मेकर्सले नयाँ सोँच, प्रस्तुती र कथालाई अगाडि ल्याउनुपर्ने देखिन्छ ।
केहि मान्छेको भनाईलाई मान्ने हो भने लुट हिट भएकै कारण चपली हाईट हिट भएको हो । खासमा भन्ने हो भने चपली हाईट राम्रो चल्ने फिल्म नै होईन । लुट पश्चात त्यस्तै खालको फिल्मको अपेक्षा गर्दै लुट कै दर्शक हलसम्म पुग्दा चपली हाईट भेटिएका कारण फिल्म चल्यो, यो पनि एक पक्षको भनाई हो । कतिपय अवस्थामा यो तर्क सत्य हुन सक्छ ।
ठिक त्यसरी नै ६ एकान ६ चल्नुमा पनि हिन्दी फिल्म धुम थ्री को हात छ भन्नेहरु पनि अहिले निक्लिएका छन् । धुम थ्री ले नेपाली फिल्म हलहरुमा धेरै पछि त्यति धेरै दर्शकलाई ओरालेको थियो । त्यसकै प्रभाव ६ एकान ६ मा परेको उनीहरु बताउँछन् । यो पनि केहि हदसम्म सहि तर्क हुनसक्छ ।
पक्कै पनि फिल्म चल्नलाई फिल्म राम्रो हुनु त पर्छ नै । ६ एकान ६ को हकमा कुरा गर्ने हो भने यो फिल्म धुम थ्रीको प्रभावमा भन्दा पनि चर्को हल्लाखल्लाको कारणले चलेको मान्न सकिन्छ । त्यसैले फिल्म चलाउनका लागि प्रमोशन सबैभन्दा महत्वपुर्ण हुँदो रैछ भन्ने कुरा यसले पुष्टी गरेको छ । तर हल्लामात्रै गरेको आधारमा फिल्म राम्रो भैदिएन भने छड्केजसरी आलोचित पनि बन्न सकिन्छ । त्यसैले राम्रो फिल्म बनाऔँ, दर्शक हलतर्फ आकर्षित भैरहेको बेलामा फिल्म नजुधाऔँ, प्रस्तुतीकरण, विषयवस्तु जस्ता कुरामा ध्यान पु¥याउँ । नेपाली फिल्म पक्कै चल्छन् ।
Monday, March 3, 2014
Sunday, March 2, 2014
यसरी मनाइन् गीतकार निराले आफ्नो जन्मदिन
नरेन्द्र प्यासीको स्वरमा रहेको म त तिम्रो मान्छे बन्न सकिन, प्रमोद खरेलको आवाजमा सजिएको मनको घाउ निको पार्ने जस्ता चर्चित गितकी रचनाकार निरा पिजीले चितवनको एक विद्यालयलाई आर्थिक सहयोग गरेकी छिन् ।
आफ्नो जन्मदिनको अवसरमा निराले चितवनको जगतपुर गाविसमा रहेको रा.प्रा.बी घौलाघारीलाई सो आर्थिक सहयोग गरेकी हुन् । विद्यालयमा भएको शैक्षिक गुणस्तर वृद्धिका लागि आयोजना गरिएको सहयोग संकलन कार्यक्रममा निराले १० हजार १ सय र गित संगीतको अर्को कार्यक्रमका लागि ६ हजार सहयोग गरेकी छिन् ।वि.स २०५९ सालको बाढी प्रभावित सो स्कूलमा दलित बोटे लगायत गरिब एवम् जेहेन्दार २ सय ५० भन्दा बढी विद्यार्थी अध्ययनरत रहेका छन् । कास्की जिल्लाको पोखरामा जन्मिएकी गितकार निरा हाल युकेमा स्थाई बसोबास गर्दै आएकी छिन् । समाज सेवामा रुची राख्ने निराले २०६९ सालमा आफ्नो एकल शब्द रचना र संगितकार राजकुमार बगरको एकल संगितमा निरासा एल्बमलाई नेपाली संगित बजारमा ल्याएकी थिइन् ।
गायक, नरेन्द्र प्यासी, प्रमोद खरेल, गायिका अन्जु पन्त र अन्जना गुरुङ्गको स्वरमा सजिएको सो एल्बमले उनीलाई एकल गितकारको रुपमा समेत चिनाइसकेको छ । आफ्नै व्यक्तिगत जीवन भोगाइका क्षणहरुलाई गितमा उतारेको बताउने निराको निरासा एल्बमको गित म त तिम्रो मान्छे बन्न सकिन ले यसै वर्ष सम्पन्न कालिका एफ.एम म्युजिक अवार्ड २०७० मा सर्वोत्कृष्ट सुगम संगित गायन पुरुष तर्फ गायक नरेन्द्र प्यासी र सर्वोत्कृष्ट सुगम संगित तर्फ संगितकार राजकुमार बगरले अवार्ड समेत हात पारेका थिए ।
Saturday, March 1, 2014
'छ एकान छ' लाई अष्ट्रेलियामा २० लाख
नेपालमा सफल हास्यब्यङ्ग फिल्म 'छ एकान छ' ले अष्ट्रेलियामा २० लाख रुपैयाँ संकलन गरेको छ । दर्शकहरुको चाहना अनुसार उक्त चलचित्रलाई आयोजकले ४ शो थप गर्नुपरेको छ ।
सिड्नीका साथै अष्ट्रेलियाकै सातवटै प्रमुख सहरहरुमा प्रदर्शन भइरहेको यो चलचित्रलाई यहाँका दर्शकहरुले अत्याधिक मन पराएको आयोजकले बताएको छ । सिड्नीमा ५ सो र अन्य शहरहरुको सबै शो हाउसफुल भएको छ । सिड्नीका साथै यो चलचित्र ब्रिसबन, एडिलेड, पर्थ, मेलबर्न, गोल्डकोष्ट, डार्बिन र तास्मानियामा प्रदर्शन गरिरहिएको छ । एजुकेशन पार्क र प्यासिफिक हिमालयन मनी ट्रान्सफरले यो चलचित्रलाई १० लाख ५० हजार तिरेर अष्ट्रेलियाभरि प्रदर्शनको अनुमती लिएको थियो ।
आयोजक संस्थाका अध्यक्ष भूपाल सिटौलाले अहिलेसम्मको कलेक्सन हेर्दा करिब २० लाखको हाराहारीमा टिकट बिक्रीबाट रकम संकलन भएको सुनाए । उनका अनुसार सबै सहरहरुमा हाउसफुल भइसकेको यो चलचित्र ६ हजारभन्दा बढी दर्शकहरुले हेरेर मनोरञ्जन लिनेछन् । उक्त चलचित्रले करिब डेढ बर्षअघि ल्याइएको चलचित्र लुटकै हाराहारीमा सफलता पाएको छ । 'वास्तवमा राम्रो चलचित्र निर्माण गर्ने हो भने बिदेशमा पनि नेपाली चलचित्रले बजार पाउँछ भन्ने यो प्रमाण हो,' अध्यक्ष सिटौलाल भने । उनले चाँडै नै यस्तै गुणस्तर भएको नेपाली चलचित्र प्रदर्शनको लागि ल्याउने तयारी भइरहेको सुनाए ।
सिड्नीमा जम्मा ५ शो मात्र गर्ने उद्देश्य राखिएको भएपनि दर्शकको अनुरोधका कारण आयोजकले ४ शो थप गरेको छ । यसैगरि नारी हकहितमा काम गरिरहेको संस्था नारी निकुञ्जलाई समेत एक शो प्रदर्शनका लागि सित्तैमा चलचित्र उपलब्ध गराएको छ ।
तितो सत्य, जिरे खुसार्नी लगायतका हाँस्य कलाकारहरु दीपकराज गिरी, जितु नेपाल, शिवहरी पौडेल, निता ढुङ्गाना, सिताराम कट्टेल, केदार घिमिरेलगायतको अभिनय रहेको छ । चलचित्र हास्यरसले भरिनुका साथै सामाजिक सन्देश समेत रहेको छ । दर्शकहरुले चलचित्रलाई अहिलेसम्मकै उत्कृट चलचित्र भएको बताए । सिड्नीमा चलचित्र हेरेर फर्किएका प्रकाश खरेलले लामो समयपछि गुणस्तरीय चलचित्र हेर्न पाएको प्रतिक्रिया दिदै यस्तै चलचित्र निर्माण गर्नुपर्ने सुझाव दिए ।
पछिल्ला समयमा नेपाली चलचित्रहरुले अष्ट्रेलियामा राम्रो बजार लिदै आइरहेको छ । नेपालमा बनेका सबै चलचित्रले अष्ट्रेलियाको बजार नपाएपनि नेपालमा सफल मानिएका प्राय चलचित्रहरुले अष्ट्रेलियाका नेपाली दर्शकहरुको राम्रो माया पाउँदै आएका छन् ।
ध्रमपान गर्नेको नाम बटुल्दै प्रहरी
बझाङ, फागुन १७ – सार्वजनिक स्थानमा धुम्रपान गर्दै हुनुहुन्छ भने होसियार । जिल्ला प्रहरी कार्यालय बझाङले सार्वजनिक स्थानमा धुम्रपान गर्नेको नामावली संकलन सुरु गरेको छ ।
आइतबार प्रहरीले गस्ती गर्दै सार्वजनिक स्थानमा धुम्रपान गर्नेहरुको नाम संकलन थालेको हो ।
पहिलो चरणका उनीहरुलाई समान्य सुझाव दिने र त्यसभन्दा पछाडी अरु कारवाही गर्ने तयारीमा प्रहरी रहेको आजको नयाँ पत्रिकामा यो समचार छापिएको छ ।
Friday, February 28, 2014
‘काली’ रेखा अब ‘हिम्मतवाली’
‘काली’ चलचित्रको अपार सफल्तापछि अब नायिका रेखा थापा ‘हिम्मतवाली’ भएर आउँदैछिन् ।
उनको आगामी चलचित्रको नाम राखिएको छ, ‘हिम्मतवाली’ । जुन चलचित्रको सुटिङ्ग महाशिवरात्रीको अवसर पारेर आजबाट थालिएको छ ।
महेन्दनगरको पिप्लाठीमा विहीबारबाट
‘हिम्मतवाली’को सुटिङ थालिएको हो । ५० लाख रुपैयाँको लगानीमा बन्न लागेको
चलचित्र ‘हिम्मतवाली’बाट उनले पुनएकपटक नयाँ हिरो ब्रेक दिएकी छिन् ।
हिरोको नाम भने खुलाइएको छैन ।
‘एक महिनामा सुटिङ सक्ने लक्ष्य राखेर
हामी यहाँ आएका छौ’ सुटिङ स्थलबाटै टेलिफोनमा रेखाले भनिन्, ‘चलचित्र
हिम्मतवाली पनि नारी प्रधान एक्सन चलचित्र नै हो, आज घोडा चढेर एक्सन र
चेजिङको सिन गरिरहेकी छु ।’ पछिल्लो समय रेखाले नारी प्रधान चलचित्रमा
मात्र काम गरिरहेकी छिन् ।
‘हिम्मतवाली’को निर्देशन श्याम भट्टराईले
गर्दैछन् । चलचित्रलाई लिएर उनी निकै उत्साहित छन् । ‘रेखा थापाको बिगतको
चलचित्रहरु झै यो चलचित्रले पनि सबैको मन जित्नेमा ढुक्क छु’ भट्टराई
भन्छन् ।
‘मेरो ब्यानरबाट अहिलेसम्म बनेका
चलचित्रहरु भन्दा हिम्मतवालीको बिषय उठान अलि फरक छ ।’ रेखाले थपिन
‘हिम्मतवालीबाट नेपाली रजतपटमा डेब्यु गर्ने नायक पनि फरक नै हुनुहुन्छ ।’
उनले चलचित्रका नायकको बारेमा अन्य कुरा भने सस्पेन्स नै राख्न चाहिन् ।
चलचित्रका नायकको बारेमा अहिलेनै मिडियामा बोलिहाल्ने बेला नभएको उनको भनाइ
छ ।
एक्सन फिल्म ‘हिम्मतवाली’मा द्वन्द्व
चन्द्र पन्तको रहनेछ । चलचित्रमा संगीत बसन्त सापकोटा र टंक बुढाथोकीले
दिएका छन् । चलचित्रलाई रामशरण उप्रेतीले खिच्दैछन भने चलचित्रको नृत्य
निर्देशक बसन्त श्रेष्ठ हुन् । चलचित्रको रिलिज दशैंमा गरिने तयारी छ ।
Wednesday, February 26, 2014
मोदीका लागी नांगिइन् मोडेल
भावी भारतको प्रधानमन्त्रीका प्रत्यासी नरेन्द्र मोदीको समर्थनमा एउटा मोडेलले न्युड फोटो सुट गराइएकी छिन् ।
मोडल तथा नायिका मेघना पटेलले मोदीको समर्थनमा आफ्नो शरीरको कपडा उतारेकी हुन् ।
भारतीय जनता पार्टीले नायिकाले नाङ्गो फोटो सुट गरेर मोदीको प्रचार गरेकोमा आपत्ती जनाउँदै भनेको छ, “प्रचार गर्नु पर्ने हो पार्टीको तरिकाबाट गरिनुपथ्र्यो ।” तर, त्यसको बिरोध गर्दै पटेलले भनेकि छन् “मैले अश्लिलता फैलाएको हैन् । मेरो मायाको प्रदर्शन मात्र गरेकी हुँ – मोदीका लागी भारतीय जनता र बिजेपीका लागी ।”
Subscribe to:
Posts (Atom)
