कलाकारहरू सिंगल कमै हुने गर्छन्। अविवाहित अवस्थामा कसैसँग रिलेसनसिपमा रहे पनि यस्तामध्ये कमैले यो कुरा स्विकार्ने गर्छन्। किन होला?
जवाफ आलिया भट्टले दिएकी छन्। उनका अनुसार, रिलेसनसिपकै कारणले महिलाहरूबारे अनेक टिप्पणी हुने गरेकाले यो मामिलामा बलिउड अभिनेत्रीहरू मौन रहने गरेका हुन्। किनकि, सम्बन्ध एउटासँग मात्रै सधैँ नरहन पनि सक्छ र ब्रेकअपपछि सिंगलै बसिन्छ भन्ने हुन्न।
‘भारतमा हामी समाजको एउटा अंग हुने गर्छौं, यस्तो समाजको जुन निकै जजमेन्टल हुने गर्छ,’ उनले हफिङटनपोस्टसँग भनेकी छन्, ‘यस्तो समाजमा कुनै केटीका धेरै ब्वाइफ्रेन्ड हुनु भनेको अझै पनि ठूलै जोखिमको कुरो हो। त्यसैले, समाजको खिसीटयुरीबाट बच्न बलिउड अभिनेत्रीहरू आफ्नो प्राइभेट लाइफबारे सार्वजनिक रूपमा कुरै गर्न चाहन्नन्। मेरो बचावट मैले नै गर्नुपर्छ, हामीकहाँ।’
आलियाले अमेरिकी गायिका टेलर स्विफ्टको सन्दर्भ उठाउँदै थपिन्, ‘टेलरले आफूले यो उमेरसम्म आइपुग्दा धेरै जनासँग डेटिङमा रहेको स्विकारेकी छन्। उनी भारतमा भएकी भए र यस्तै कुरा गरेकी भए आत्मग्लानिले सामाजिक अपहेलनाका कारण मर्नुपथ्र्यो अनि उनको इमेज अर्कै बनिसक्थ्यो।
अभिनेता सिद्धार्थ मलहोत्रासँगको सम्बन्ध उनले स्विकारे के हुन्थ्यो होला भन्ने प्रश्नमा उनले भनेकी छन्, ‘मैले स्विकारुँला, तर यो सधैँ यस्तै रहन आवश्यक नहुन पनि सक्छ। भोलि म उनीसँगको रिलेसनसिपबाट बाहिर निक्लेँ र यसबारे भिन्न तरिकाले सोच्न थालेँ भने?
यही कुरालाई लिएर भोलि समाज मेरो पछाडि परोस् भन्ने म चाहन्नँ। ओहो तिम्रो ब्रेकअप भयो, अब अर्को को त भन्ने खालका प्रश्नले महिलालाई उनीहरूले चाहेजसरी स्वतन्त्र–स्वच्छन्द भएर बाँच्ने अनुमति दिँदैन।’
प्रकाशित: श्रावण १९, २०७३
कान्तिपुर ›मनोरञ्जन ›एजेन्सी
http://bit.ly/2aHoSsv
यात्रुलाई सुविधा थप्ने क्रममा यस्ता बसहरुले पछिल्लोपटक निशुल्क वाईफाई इन्टरनेट सुविधा उपलव्ध गराएका छन् । इन्टरनेट चलाउन मिल्ने मोवाइल छ र साथमा ल्यापटप पनि बोक्नुभएको छ भने तपाईं बसमा यात्रा गरेकै बेला निःशुल्क इमेल–इन्टरनेट चलाउन सक्नुहुन्छ ।
एसी र डिलक्स बस सुरु भए लगत्तै अरु बसमा यात्रु कम मात्रै चढ्ने गरेको व्यवसायीहरुको भनाई छ । ‘पूर्व र पश्चिमका मुख्य शहरसँगै पोखरा, बुटवल लगायतका धेरै शहरमा यस्ता बस चल्न थालिसकेका छन्’ सिटौलाले भन्नुभयो, ‘यही स्थितिमा जाने हो भने अबको एक वर्षमा साधारण बस बिस्थापित भैसक्छन् ।’
बाँदरले पहिले पहिले मुला, केरा, प्याज, लसुन खाँदैनथ्यो । तर अहिले सबै चिज खाने र नष्ट गर्न थालेपछि त्यो योजना पनि सफल हुन सकेन । ‘बाँदरले भेटेको चिज केही पनि चोखो राख्दैन । त्यसैले काफलघारीका बासिन्दाले अलिअलि बचेका केरा, मेवा पनि प्लाष्टिकले बेरेर राख्नुपरेको छ’ उहाँले भन्नुभयो ।
‘घरभित्रबाट मकै लिएर फर्कने क्रममा उसलाई अवरोध गरेपछि चिथोरेर भाग्यो’ लक्ष्मीमायाले भन्नुभयो ‘पहिलेको बाँदर यस्ता थिएनन्, मान्छे देखेर डराउँथ्यो, अहिले धेरै शुरु भएछ । मलाई चिथोरेरै गयो ।’
अहिले नेपालमा एक लाखभन्दा बढी बाँदर रहेको अनुमान गरिन्छ । वासस्थानको विनास, संख्यात्मक बृद्धि र जंगलमा प्रयाप्त आहारको कमीले बाँदर मानव वस्तीमा जाने क्रम बढेको छ । त्यसैले बाँदरबाट जोगिन केही उपाय अपनाउनुपर्ने चालिसेको सुझाव छ । उहाँका अनुसार, बाँदरले अमिलो, पिरो, तितो वा गन्ध आउने चिज बढी रुचाउँदैन । त्यसैले उसले नखाने खेतीपातीतिर बढी ध्यान दिनुपर्छ । 
देशभित्र र बंगलादेशभन्दा बाहिरी देशमा रहेका नेपालीहरुलाई पनि चटगाउँ आफ्नै गाउँ र ठाउँजस्तो भयो । नेता, अभिनेता, सरकारी कर्मचारीदेखि गाउँठाउँका साधारण किसानले पनि टेलिभिजनको पर्दामा आफैंले बलिङ र ब्याटिङ गरेजसरी मज्जाले खेल हेरे ।
