असन्तुष्ट माधवले वामदेवलाई भने, ‘हतार नगर्नुस्’

काठमाडौं, फागुन १३ – एमालेका अध्यक्ष झलनाथ खनालको पक्षमा लागेर उपाध्यक्ष वामदेव गौतमलाई पाखा लगाउने रणनीतिमा रहेका पार्टीका नेता माधवकुमार नेपालले गौतमको नेतृत्वमा पार्टी कुनैपनि हालतमा सरकारमा जानु हुँदैन भने लविगं शुरु गरेका छन् । ग्राण्डी अस्पतालमा भएको मन्त्री पठाउने निर्णय वैधानिक कसरी हुन्छ भन्दै यसलाई सच्याउनुपर्ने भन्दै आफ्ना निकटबीच गोप्य रुपले छलफल चलाएका छन् ।

ग्रयाण्डी अस्पतालमा बसेको स्थायी समितिको बैठकमा अनुपस्थित रहेर त्यसको विरोध समेत गरेका नेता नेपालले वामदेव गौतमलाई उपप्रधान तथा गृहमन्त्री दिएर खनालजीले आफ्नो खुट्टामा आफै बन्चरो हानेको समेत भन्न थालेका छन् । काँग्रेसले आफ्नो मन्त्रीको नाम चयन गरिसकेपनि एमालेमा देखिएको विवादका कारण वामदेव गौतमबाहेक अरु कसैको नाम चयन गर्न सकेको छैन । यता विष्णु पौडेललाई सञ्चार मन्त्री बनाउने कुरा पार्टीमा आन्तरिक छलफल भइसकेको थियो तर वामदेवलाई गृह र आफूलाई पाखा लगाउन लागेको भन्दै कुनैपनि मन्त्रालय नलिने भन्दै ओलीको निर्णयलाई विरोध गरेको स्रोतले जनाएको छ । स्थायी समितिले खनाल, केपी ओली र वामदेव गौतमलाई मन्त्री छान्ने जिम्मा दिएको छ । तर, विहानैदेखि वामदेव गौतम एक्लै नेताहरुको घर घर दौडी रहेका छन् ।

माधव नेपालको चित्त दुखाईका कारण मन्त्री चयनमा खनालले चासो देखाएका छैन भने ओली अस्पतालमा भएको कारण गौतम मन्त्री छान्नमा एक्लै दौडिरहेका छन् । माधव नेपाल निकट स्रोतले भने गौतले विहानै नेपाललाई भेटी मन्त्री चयन गरेर आजै शपथ लिन आग्रह गर्नुभएको थियो तर नेता नेपालले हतार किन आफ्नो पार्टीको मन्त्री चयन गर्ने प्रकृया नै गलत भएका कारण हतार नगर्न सल्लाह दिएको पठाएका छन् ।’ माधव नेपाल विद्या देवी भण्डारीको नेतृत्वमा पार्टीलाई सरकारमा पठाउने प्रस्ताव लगेका थिए तर केपीले ठाडै इन्कार गरेपछि ओली र नेपालको दुरी झन बढेको बताइन्छ । एमालेले थप मन्त्रीको बारेमा निर्णय गर्न नसकेपनि काँग्रेस मन्त्रीको साथमा वामदेवले एक्लै भएपनि गृहमन्त्रीको शपथ दिउँसो एक बजे खाने भएको छ ।

वामदेव गौतमलाई गृहमन्त्री दिनु हुँदैन भनि निष्कर्षमा पुगिसकेका काँग्रेसका सभापति तथा प्रधानमन्त्री सुशील कोइरालालाई सोही पार्टीका नेता शेरवहादुर देउवाले सहयोग नगरेपछि वामदेवलाई गृह दिन बाध्य भएको बताइन्छ । केपी ओली अस्पताल भर्ना हुनु र वामदेव गौतम गृहमन्त्रीका लागि चयन हुनु संयोग मात्र होइन एमालेका एक नेताले भने, झलनाथ खनाल समूहलाई झुक्याउन र प्रधानमन्त्री कोइरालाई गलाउन ग्रयाण्डीमा ग्राण्ड डिजाइन बनेको बताइन्छ ।