पाँचथरमा पानी माग्दा छोरी दिन्छन्, धनगढीमा पानीकै कारण बिहे रद्द

बिहेको तयारी पूरा भइरहेका बेला एक्कासि केटी पक्षबाट बिहे हुन नसक्ने सन्देश आएपछि गोदावरी गाविसका रहने बिकको घरमा सन्नाटा छायो । माघ २१ गते श्रीपञ्चमीको दिन दुलही लिन जन्ती जाने तयारी अन्तिम चरणमा पुगेको थियो केटी पक्षबाट आएको फोनले छरछिमेकसमेत स्तब्ध भए । बिहे रोकिनुको कारण सुनेपछि भने गाउँका सबैले बेइजयती महसुस गरे तर बदाला लिने वा उजुरी गर्ने अवस्थै रहेन । केटी पक्षबाट भनियो,’पानी लिन ५ किलोमिटर टाढा जानुपर्ने रहेछ, यस्तो दुःख हुने ठाउँमा छोरी दिन सक्तिनँ, दुःख नमान्नु होला ।

’

कुरा छिनेर जन्ती पठाउन लागेकै बेला बिहे रोकिएको यो पहिलो घटना भए पनि गाउँका युवालाई कन्या खोज्न गाह्रो भइरहेको घटना भने गाउँलेका लागि अनौठो होइन । ‘खानेपानीका लागि ५ किलोमिटरको दूरी तय गर्नुपर्ने बाध्यताले यहाँ कसैले पनि छोरी-चेली दिन मान्दैनन्,’ गाविसका पूर्व अध्यक्ष भानसिंह बिकले भने, ‘खानेपानीका लागि दैनिक ५ किलोमिटर टाढा पुगे पनि स्वाच्छ पानी पाइदैन् ।’ खानेपानी टाढा हुँदा बिहेबारीलाई मात्र समस्या परेको होइन्, खानेपानी बोक्नुपर्ने बाध्यताले विद्यालय जाने उमेरका केटाकेटी पढ्नबाट वञ्जित भएका पनि छन् ।

पाँचथरमा छोरी दिन्छन्, पानी पाउन मुस्किल

रानीगाउँ-८ की ३४ वर्षकी मायादेवी सम्बाहाम्फे एक गिलास खानेपानी दिन हिच्किचाइन् । प्यासले हरहर भएको बटुवाले ‘जति पैसा परे पनि एक गिलास पानी दिन’ अनुरोध गरेपछि नजिकै बसेकी अन्दाजी १५-१६ वर्षकी छोरीलाई देखाउँदै उनले भनिन्,’बरु यो छोरी दिन्छु पानी दिन सक्दिनँ ।’

रानीगाउँकै सावित्रा सम्बाहाम्फे पनि कसैले माग्दैमा पानी दिन नसक्ने बताउँछिन् । ‘पानी दिन मन भएमात्र के गर्नु, कहिल्यै घरमा पानी हुन्न्,’ उनले भनिन् ‘बनिबुतो गरेको प्रसाले पानी जोहो गरेको हुन्छ, कसरी दिन सकिन्छ ?’

खानेपानीको मुहान सुकेपछि रानीगाउँमा समस्या बढेको कारोबार दैनिकमा खबर छ । मुहान सुकेपछि यहाँका बासिन्दा चर्को मूल्यमा पानी किनेर दैनिकी चलाउन बाध्य भएका छन् । ‘प्रतिलिटर अढाई रुपैयाँका दरले पानी किन्छौं,’ मायादेवीले भनिन, ‘व्यापारीहरुले सवारी साधनबाट कोसी नदीको पानी गाउँमा ल्याएर बिक्री गर्छन ।’उनका अनुसार सामान्य परिवारले पनि प्रतिदिन २ सय ५० लिटर पानी किन्ने गरेको छ ।

Read More

महिलाले घोडाको बच्चा जन्माएपछि….

यसलाई आश्चर्य भनौ वा ईश्वरको लिला । सुन्दा पनि विचत्र लाग्ने घटना । तर, सत्य । नाइजेरियाको बेनिनमा एक महिलाले घोडाको बच्चा जन्माएकी छन् ।

यद्यपि महिलाको गर्भमा घोडाको बच्चा हुर्किरहेको स्वयम महिलालाई नै थाहा नभएको बताइएको छ। तर, जब जन्म भयो तब सबै अचम्ममा परे। महिलाले घोडाको बच्चा जन्मएको यो घटना नाइजेरियाको बेनिन सहरमा हो। जो अहिले सञ्चार माध्यममा चर्चाको विषय बनेको छ। अझ अचम्मको कुरा त महिलाले अस्पताल वा घरमा होइन चर्चमा घोडाको बच्चा जन्माएकी हुन् जतिबेला प्रार्थना चलिरहेको थियो । सबै प्रार्थना गरिरहेका बेला महिलालाई सुत्केरी बेथाले च्यापेको थियो । अचानक सुरु भएको प्रसव पीडाले सबैलाई स्तब्ध पारेको थियो । उनलाई अस्पताल लैजाने समय पनि थिएइन । त्यसैले उनले चर्चमै बच्चा जन्माएकी हुन् । जुन देखेर सबै हैरान भए। घोडाको बच्चा भने मृत अवस्थामा जन्मेको थियो ।

Read More

माइक्रोसफ्ट प्रमुखमा सत्य नाडेला: भारतको छवि विस्तार

सत्य नाडेला माइक्रोसफ्टका नयाँ कार्यकारी प्रमुख बनेकोमा भारतले बुधबार खुसी मनाएको छ र यसले भारतमा जन्मेका प्रतिभा 

विश्वको सबैभन्दा ठूलो अमेरिकी संस्थाको उच्च पदमा पुगेको कुरालाई समर्थन गरेको ठानिएको छ ।

नाडेला मङ्गलबार उक्त ठूलो कम्पनीका तेस्रा प्रमुख कार्यकारी अधिकारी बन्नुभएको हो । उहाँ भारतको दक्षिणी स्थानमा रहेको हैदराबाद नगरमा जन्मेका तथा हुर्केका व्यक्ति हुनुहुन्छ । उहाँले मंगलौर विश्वविद्यालयमा अध्ययन गर्नुभएको थियो र थप अध्ययन तथा नोकरीका लागि अमेरिका जानुभयो । ‘‘भारतले एउटा शक्तिको बिन्दु बनाएको छ’’, टाइम्स अफ इन्डिया समाचारपत्रले ४६ वर्षीय यी क्रिकेट प्रशंसकको नियुक्तिमा उल्लेख गरेको छ । ‘‘भारत स्पष्ट रूपमा एउटा प्रतिभाको यन्त्रको रूपमा उदाएको छ जसले निरन्तर रूपमा विश्वका प्रमुख कार्यकारी अधिकारीहरू उत्पादन गरिरहेको छ’’, यस दैनिकले भनेको छ । नाडेलाले आफ्नो जीवनको आधा भाग प्रविधिको यो ठूलो संस्थामा काम गर्नुभएको छ । उहाँ भारतमा जन्मेका व्यापारिक नेताहरूको एक शृङ्खलामा पर्नुहुन्छ जसले सम्मानित प्रमुख कार्यकारी अधिकारीको पद प्राप्त गरेका छन् । यस समूहमा पेप्सिीकोका इन्दिरा नुई तथा मास्टरकार्डका अजय बाङ्गा पनि पर्नुहुन्छ । विक्रम पण्डितले सन् २०१२ को अन्त्यसम्म सिटीबैङ्क सञ्चालन गर्नुभएको थियो ।

अंशु जैन हाल जर्मन बैङ्क डुएच बैङ्कका प्रमुख हुनुहुन्छ । हैदरवादमा रहेको लोकज इन्टरप्राइजेज सलुसनका संस्थापक उत्तम मजुमदारले नाडेलाको नियुक्ति निकै गौरवको विषय भएको बताउनुभयो । ‘‘उहाँ लाखौँ युवाका लागि नमुना व्यक्तित्व हुनसक्नुहुन्छ । उहाँको नियुक्तिले विश्वको आँखामा एक मुलुकको रूपमा भारतको छवि विस्तार गर्छ’’ उहाँले भन्नुभयो । फिलिपक्यापिटल इन्डियाका कार्यकारी अधिकारी विभोर सिंघलले प्रतिभालाई बाहिरबाट आएर माथिसम्म पुग्न दिने कुरालाई स्वीकार गर्ने अमेरिकी खुलापनको कारण भारतमा जन्मेका कार्यकारी अधिकारीहरूले सफलता प्राप्त गरेको बताउनुभयो । लगानी तथा वित्तीय अनुसन्धान संस्थाका निर्देशक इक्वेन्टिस रिसर्चका निर्देशक विक्रम धवनले अङ्ग्रेजी भाषामा दक्षताले पनि भारतीय नागरिकलाई प्रतिस्पर्धामा मौका दिने बताउनुभयो । दक्षिण एसियाली मुलुक भारतले प्रति वर्ष करिब १० लाख इन्जिनियरिङ स्नातक उत्पादन गर्छ र यसले सूचना प्रविधिको क्षेत्रमा अन्य मुलुकका लागि काम गर्ने केन्द्रको रूपमा ख्याति कमाएको छ ।

ठूलो सङ्ख्यामा शिक्षित कामदार तथा उनीहरूको सस्तो श्रम लागत पनि यसको प्रमुख कारण हो । धेरै उच्च प्रतिभा भएका मध्यमस्तरीय युवाहरू राम्रो वेतन दिने नोकरी र इन्डियन इन्स्टिच्युट अफ टेक्नोलोजीमा स्थान नपाएका कारण मुलुक छोड्छन् । आईआईटीमा निकै ठूलो प्रतिस्पर्धा हुन्छ र स्थान सीमित छ । यसैले यहाँ स्थान पाउन नसक्नेहरूका लागि अमेरिका अर्को छनौट हुनेगर्छ । ‘‘सत्य नाडेलाको नियुक्ति भारतीय प्रतिभाको छनौट हो कि भारतीय प्रणालीमा एक थप्पड हो ?’’, फस्र्टपोस्ट अनलाइन समाचार केन्द्रको सम्पादकीयमा भनिएको छ । सम्पादकीयमा नाडेलाको नियुक्तिमा भारतले खुसी मनाउनु सट्टा किन यत्ति धेरै प्रतिभा आफ्नै भूमिमा नबसी विदेश पलायन हुन्छन् भन्ने प्रश्न गर्नुपर्ने उल्लेख गरिएको छ । भारतमा पारिवारिक सम्पर्क व्यक्तिको योग्यता जस्तै महत्वपूर्ण हुन्छ । सन् २०१२ मा अमेरिकी विचारक संस्था प्यु रिसर्च सेन्टरले मध्यमस्तरीय भारतीय अमेरिकीको वार्षिक आय ८८ हजार अमेरिकी डलर रहेको र यो एसियाली अमेरिकीको ६६ हजार अमेरिकी डलरभन्दा निकै अधिक रहेको देखाएको थियो । मध्यमस्तरीय अमेरिकी घर परिवारको वार्षिक आय ४९ हजार ८०० अमेरिकी डलर रहेको छ । भारतीय अमेरिकीमा २५ वर्षभन्दा माथिका ७० प्रतिशतले स्नातक शिक्षा प्राप्त गरेको देखिएको छ ।

एसियन अमेरिकीमा यो प्रतिशत ४९ रहेको छ । विश्व मोबाइल इन्टरनेट युगमा प्रवेश गरिरहेको समयमा नाडेलाले माइक्रोसफ्टले भोगेका चुनौतीलाई सामना गर्नुपर्छ । उहाँलाई भारतीय बजारको बारेमा राम्रो जानकारी भएकाले उहाँ भारतमा यस उद्योगमा रहेकाहरूका लागि अवसर सिर्जना गर्न सहयोगी हुने अनुमान गरिएको छ । ‘‘पूर्वले दिनसक्ने सबैभन्दा राम्रो कुरालाई पश्चिमले मङ्गलबार स्वीकार गरेको छ र गृहमुलुकमा पनि परिवर्तनको हावा बहन्छ भन्ने ठूलो आशा गरिएको छ’’, द इकोनोमिक टाइम्सले उल्लेख गरेको छ ।

Read More

२३ औ जन्मदिनमा २३ जना युवकसंग सेक्स गर्दैछिन यी युवती

जन्मदिन मनाउने हरेक मानिसहरुको आ–आफ्नै  तरिका  हुन्छन् । कसैले केक काटेर मनाउने गर्छन् त कसैले साथीभाईसँग घुम्न  गएर त कसैले चकलेट बाँडेर आफ्नो जन्मदिन मनाउने गर्छन् । तर, क्यानाडाकी एक पोर्नस्टारले आफ्नो २३ औ जन्मदिनको दिन  २३ जना युवकहरुसंग सेक्स गरेर मनाउने  घोषणा गरेर सबैलाई चकित पारेकी छन ्।

 

 क्यानडाको टोरन्टोबाट प्रकाशित पत्रिका ‘टोरन्टो सन ’ का अनुसार पोर्नस्टार हेदी बेन हर्नीले आफ्नो जन्मदिनलाई अरुको भन्दा फरक देखाउनका लागि नै २३ जना अपरिचत पुरुषहरुसंग सेक्स गर्ने घोषण गरेकी हुन् ।  यी युवतीसँग  सेक्स सम्बन्ध बनाउन संसारभरीका  झण्डै  ५ सय   व्यक्तिले आवेदन दिएका  छन भने  ती मध्ये २३ जनालाई उनले  छनौट गरीसकेकी छन् ।   

 अर्को कुरा उनले २३ जनासंग यौनक्रिडा गरेको दृश्यलाई एक्सएक्सएक्स एडी ४ प्रोडक्सनले सुटिङ गर्नेछ । यसको अनलाईन लाइभ स्ट्रिमिङ पनि गरिने बताइएको छ । उनीसंग सेक्स  सम्बन्ध बनाउने युवकले आफुहरुलाई कसैले पनि नचिनोस् भन्नका लागि माक्सको समेत प्रयोग गर्न सकिने  पनि समाचारमा जनाइएको छ ।  

 

सेक्समा संलग्न  हुन चाहेका २३ जना पुरुषहरुको स्वास्थ्य परिक्षण पश्चात मात्र आफुले यौनक्रियाकलाप गर्ने  पनि टोरन्टो सनसित हेदीले बताएकी छन् । यदि कसैमा यौन रोग पाइएमा उनीहरुको ठाउँमा अरुलाई मौका दिने समेत उनले बताएकी छन् । सबै युवकलाई उनीहरुले चाहे अनुसारको यौनक्रिडा गर्न समेत छुट दिईनेछ । १० वटा पोर्न फिल्ममा समेत काम गरिसकेकी हेदीले सामुहिक सम्भोगको घोषणाले पोर्न उद्योगमा समेत सनसनी मच्चिएको छ ।  

Read More

पेटमा हुर्किरहेको बच्चालाई निकालेपछि मृत घोषणा गरिने

कुन आमाको  लागि  सह्य होला यस्तो जसले आफूले जन्मदिएको बच्चाको  अनुहार पनि हेर्न नपाई  संसारबाट विदा हुनुपर्नेछ ।  दिमागी रुपमा ब्रेनडेथ भएकी  क्यानाडाकी राबिन नामकी एक महिलाले आफ्नो बच्चालाई जन्मदिने वित्तिकै  यस संसारबाट विदा हुनेछिन ।   उनलाई विदा दिईनेछ ।

 

२०१३ को  डिसेम्बर अन्तिम हप्ताहको  विहान उनको  टाउको जोडसँग दुख्यो । उनले आफ्ना श्रीमान  बेनसोन डोलानलाई टाउको दुखेको औषधि ल्याउन अह्राइन । श्रीमान उनलाई छोडेर औषधि लिन बाहिर निस्कए । तर, घर फर्कदा आफ्नी श्रीमतीलाई बेहोस भएर पल्टिरहेको  अबस्थामा पाए ।  डेलानले श्रीमतीलाई हतार–हतार उठाएर नजिकैको अस्पतालमा पु¥याए  । तर, अस्पतालमा उनको ब्रेनडेथ भइसकेको घोषणा डाक्टरहरूले गरिदिए । तर, उनको पेटमा रहेको २२ हप्ताको बच्चालाई बचाउनका लागि भने अहिले उनलाई भेन्टिलेटरमा राखेर  कृतिम स्वास दिइएको छ । 

उनको पेटमा हुर्किरहेको बच्चाको अबस्था स्वस्थ रहेको र  बच्चालाई अप्रेसन गरेर निकालिने पनि  विक्टोरिया जनरल अस्पतालका प्रवक्ताले  जनाएका छन् ।  बच्चालाई निकालेपछि उनलाई मृत घोषणा गरिनेछ ।

           डेलान एकातिर नयाँ बच्चालाइ हेर्न र पिता बन्नका लागि आतुर रहेको  छन् भने अर्कोतिर बच्चालाई जन्माउनसाथ आफ्नी प्यारी श्रीमतीलाई आफूबाट मात्र नभएर संसारबाट विदा दिनुपर्ने पीडामा रहेका बताउछन् रोबिनका श्रीमान । ३२ वर्षीय डेलान भन्छन “मलाई उनको खुब याद आउनेछ ।”

Read More

अछाममा पहिलो पटक हिस्ट्रेकटोमी अप्रेशनबाट आमाको गर्भबाट मृतक बच्चा निकालियो

अछाममा पहिलोपटक हिस्टे«कटोमी अप्रेशनबाट आमाको गर्भबाट मृतक बच्चा निकालिएको छ । बााजुराको बुढिगंगा गाविस वडा नम्वर १ का सुन्तला वडुवालको जिल्ला अस्पताल अछाममा अप्रेशन गरेर मृतक बच्चा निकालिएकोे हो ।

पेटमा रहेको बच्चाको मृत्यु भएको र अप्रेशनको क्रममा रगत नरोकिदा पाठेघर नै काटेर आमाको ज्यान बचाउन अप्रेशन गरिएको थियो । बच्च निकालेपछि सुत्केरी महिलाको अवस्था सामान्य रहेको डाक्टर ज्ञानेन्द्र जोशीले बताउनुभयो । जिल्ला अस्पताल अछाममा पहिलो हिस्टे«कटोमी अप्रेशन भएको डाक्टरहरुले बताएका छन् । 
पूर्णबहादुर खड्का
अछाम ,माघ २४ गते । अछाममा पहिलोपटक हिस्टे«कटोमी अप्रेशनबाट आमाको गर्भबाट मृतक बच्चा निकालिएको छ । बााजुराको बुढिगंगा गाविस वडा नम्वर १ का सुन्तला वडुवालको जिल्ला अस्पताल अछाममा अप्रेशन गरेर मृतक बच्चा निकालिएकोे हो । पेटमा रहेको बच्चाको मृत्यु भएको र अप्रेशनको क्रममा रगत नरोकिदा पाठेघर नै काटेर आमाको ज्यान बचाउन अप्रेशन गरिएको थियो । बच्च निकालेपछि सुत्केरी महिलाको अवस्था सामान्य रहेको डाक्टर ज्ञानेन्द्र जोशीले बताउनुभयो । जिल्ला अस्पताल अछाममा पहिलो हिस्टे«कटोमी अप्रेशन भएको डाक्टरहरुले बताएका छन् ।

Read More

श्रीमान्को हत्या गरी अर्कैसँग विवाह

कतारबाट घर फर्किदै गर्दा हत्या गरिएका जुम्लाका राजन बुढाको हत्यामा उहाँकै श्रीमती संलग्न रहेको प्रहरी अनुसन्धानबाट खुलेको छ ।मृतक बुढा २०६८ पुसमा कतार गएपछि श्रीमती गीता पुलामी (बुढा) ले यहाँ अर्कैसँग विवाह गर्ने निधोमा पुगिसकेकाले श्रीमान्को हत्या गर्ने योजना बनाएको प्रहरीले जनाएको छ ।अर्कैसँग विवाह गर्ने निधो गरिसकेकी गीताले नयाँ श्रीमान्लाई पुरानो श्रीमान्ले मार्न सक्ने भन्दै पहिले नै मार्ने योजना बनाएको हुनसक्ने जिल्ला प्रहरी कार्यालय सुर्खेतका प्रहरी उपरीक्षक प्रकाश अधिकारीले बताउनुभयो ।

श्रीमान्को हत्या गरेपछि गीता पूर्व योजनाअनुसार अर्काे बिहे गरेर भागेको प्रहरी उपरीक्षक अधिकारीको भनाइ छ । गीताले बिहे गरेर गएका व्यक्तिको नाम भने अनुसन्धानमा अवरोध हुनसक्ने भन्दै प्रहरीले सार्वजनिक गरेको छैन ।ती व्यक्तिको पनि घटनामा संलग्नता रहेकाले अहिले दुवै जना फरार रहेको प्रहरी उपरीक्षक अधिकारीले बताउनुभयो । श्रीमान् बुढालाई हत्याको योजना र श्रीमतीको यहाँको कुनै पनि क्रियाकलापबारे जानकारी नभएको र फोनमा कुराकानी गरी भेटेर जङ्गलमा लगि हत्या गरेको प्रहरीको प्रारम्भिक अनुसन्धानबाट खुलेको उहाँले जानकारी दिनुभयो ।कतारबाट फर्किदै गरेका गीताका श्रीमान्, हत्याका अभियुक्त गीता र गीताको नयाँ श्रीमान् तीनै जना माओवादीका पूर्व लडाकु हुन् ।

 मुख्य अभियुक्त गीता पक्राउ नपरेपनि घटनामा संलग्न अन्य चार जनालाई प्रहरीले पक्राउ गरी सार्वजनिक गरेको छ । गढी–१ का ३३ वर्षका इन्द्रबहादुर रामजाली, वीरेन्द्रनगर–५ का ७० वर्षका देवीलाल न्यौपाने, जर्वुटा–२ का १७ वर्षीय अमृत भनिने पूर्णबहादुर सुनार र लेखगाउँ–४ की ३३ वर्षीया पविसरा पुलामी मगरलाई प्रहरीले पक्राउ गरेको हो ।घटनाको मुख्य योजनाकार गीताले श्रीमान्को हत्या गर्न अनेक उपाय अपनाएको समेत प्रहरीले जनाएको छ । त्यसै क्रममा ७० वर्षीय न्यौपानेको घटनामा मुख्य भूमिका रहेको प्रहरी अनुसन्धानबाट खुलेको छ । न्यौपानेले बुढालाई जादु टुनामुना गरी बाटोमै मार्ने जिम्मा लिने र त्यसको लागि आफूलाई रु एक लाख दिनुपर्ने भनी तीस हजार रकम बैनासमेत लिइसकेको प्रहरी उपरीक्षक अधिकारीले बताउनुभयो । “न्यौपानेकोे घटनामा ठूलो हात रहेछ” – उहाँले भन्नुभयो, “बुढालाई मार्ने भनी एक लाखको सम्झौता गरेको पहिले नै तीन हजार लगिसकेको भेटियो, तीस हजार हामीले बरामद पनि गरिसक्यौ ।”

 अभियुक्त न्यौपाने यहाँको वीरेन्द्रनगर–५ को कालिका मन्दिरका पुजारी हुन् । यस्तै, पक्राउ परेका रामजाली र सुनारको पनि हत्यामा प्रत्यक्ष संलग्नता रहेको र अर्की पविसराले घटनाका योजना थाहा पाए पनि खबर नगरेकाले पक्राउ गरिएको प्रहरीले बताएको छ । पविसरा मृतककी दिदी सासु हुन् । उनका श्रीमान् पनि मृतक बुढाले काम गरेकै कम्पनीमा काम गर्ने र केही समयमा फर्किन लागेकाले बहिनीले बनाएको सबै योजना उनलाई थाहा भएको प्रहरीको दाबी छ ।बुढाको यही माघ ६ गते हत्या गरिएको भएपनि १५ गते मात्रै शव फेला परेको थियो । घाँस काट्न गएका महिलाले जर्वुटा–१ मा पर्ने शिव सामुदायिक वनमा उनको शव देखेपछि प्रहरीलाई खबर गरेका थिए ।शवको साथमा एउटा झोला भेटिएको र त्यसमा कतार अन्तर्राष्ट्रिय विमानस्थलको गेट पास र दुई वर्ष अगाडि मेडिकल जाँच गरेको रसिद मात्रै भेटिएको थियो । अनुसन्धानबाट बुढा यही माघको ४ गते नै कतारबाट काठमाडौँ आइसकेको र त्यहाँबाट ६ गते सुर्खेत आइपुगेपछि बाटा मै भेटेर हत्या गरिएको प्रहरी उपरीक्षक अधिकारीले बताउनुभयो ।

Read More

मिकाले सेनाको ग्राउन्डमा गाउने

पहिलोपटक राजधानी ल्याइन लागेका भारतीय गायक मिका सिंहले लगनखेलस्थित नेपाली सेनाको फुटबल ग्राउन्डमा प्रस्तुति दिने भएका छन् ।

फागुन १७ गते शनिबार मिकासहित १८ जनाको टोलीलाई उतार्न लागेको मुन लाइट रेकर्डस्ले मिकासहित नेपाली कलाकारको प्रस्तुति लक्षित ३० हजार दर्शकलाई  दिने बताएको छ । भारतका व्यस्त गायकका पर्न सफल मिकाका लागि ३० बाई १ सय १० फिटको स्टेज तयार पारिने मुन लाइट रेकर्डस्का कार्यकारी अध्यक्ष चन्द्रप्रकाश शर्माले बताए । 

'स्वदेशी प्राविधिकहरूले तयार पार्ने स्टेज हालसम्मकै ठूलो हो, मिकाका सबै गीत फास्ट बिटका भएकाले स्टेज ठूलो चाहिएको हो,' उनले थपे । करिब ३ हजार दर्शक अटाउने प्याराफिट रहेको उक्त मैदान अन्तर्राष्ट्रिय स्तरको मानिन्छ । 'कार्यक्रममा स-साना नानीबाबु पनि आउने भएकाले लगनखेलको मैदान बढी सुरक्षित ठान्यांै,' शर्माले भने । 

ग्राउन्डमा हुने कार्यक्रमका लागि आयोजकले ५ सय, १५ सय र ३ हजार रुपैयाँ दरका टिकट बिक्री गर्नेछ । साउन्ड, लाइट र एलसीडीका लागि नेपालमा सामान पर्याप्त नभएकाले विदेशबाट आयत गरिने आयोजकले भनेको छ । 

'यहाँ आउने दर्शकले ढुक्कले राम्रो हलमा सिनेमा हेरेको जस्तो महसुस गर्ने छन्,' शर्माले भने ।

Read More

राम्रा फिल्म एकसाथ

राम्रा फिल्म नबनेको गुनासो बढिरहेका बेला शुक्रबारदेखि भने गतिला दुई फिल्म एकसाथ रिलिज हुँदै छन् । प्रवीण श्रेष्ठ निर्देशित 'मोक्ष' र यादवकुमार भट्टराई निर्देशित 'झोला' दुवैले रिलिजपूर्व गरिएका च्यारिटी सोबाटै उत्साहजनक प्रतिक्रिया पाएका हुन् ।

'मोक्ष' सांगीतिक कथा बोकेको फिल्म हो भने 'झोला' सतीप्रथा विरुद्धमा कृष्ण धरावासी लिखित कथामा आधारित छ । 'मोक्ष' ले एक म्युजिकल ब्यान्ड सदस्यको संघर्षबाट कथा आरम्भ गर्छ । सफलताको नजिक रहेका बेला ब्यान्ड भोकलिस्ट सांघातिक आक्रमणमा परी कम्मरमुनि पक्षाघातको सिकार हुन्छ । निर्देशक श्रेष्ठले आफ्नै सांगीतिक जीवन भोगाइलाई पटकथामा ढालेको फिल्ममा कोशिश छेत्री, विक्रम सिंह, बेनिशा हमाल, दीपेश भण्डारी लगायतको अभिनय रहेको छ । सुनील मानन्धरको लगानी रहेको फिल्मको सबल पक्ष संगीत, अभिनय र कथाको मार्मिकता हो । रमाइला पात्रले मनोरञ्जन दिँदादिँदै अकल्पनीय दुर्घटनाले फिल्मलाई गम्भीर मोडमा पुर्‍याउँछ । कतिपय दृश्यमा दर्शकलाई भावुक बनाउने फिल्म हि्वलचेयर प्रयोगकर्ता प्रवीणको पहिलो फिल्म हो ।

एक शताब्दीअघि राणाकालीन समयको सामाजिक कुरीतिका रूपमा रहेको सतीप्रथामा आधारित रही धरावासीले लेखेको 'झोला' कथा साहित्यिक फाँटमा पनि बलियो मानिन्छ । उक्त समाजमा एक जवान महिलाले पतिको निधनपछि सती जानुपूर्व गरेको रीतलाई मिहीन ढंगले उनको सानो छोराको दृष्टिकोणबाट पस्किइएको छ । कृतिबाट फिल्म रूपान्तरणको इतिहास त्यति सुखद हुन नसकिरहेका बेला निर्देशक भट्टराईको काम भने अपवाद बनेको छ । उनले कथाको मर्मलाई मर्न नदिई दमदार प्रस्तुतिमा दर्शकको किलकिलेलाई समाउन सफल बनेका छन् । फिल्मको केन्द्रीय भूमिकामा रहेकी गरिमा पन्तको अभिनय स्वाभाविक र जीवन्त लाग्छ भने सुजल नेपाल, दीपक छेत्री, लक्ष्मी गिरी, देशभक्त खनाल, प्रह्लाद खतिवडा लगायत अन्य कलाकारको अभिनयमा पनि त्यसताकको समय र परिस्थिति झल्कन्छ ।

रिलिजपूर्वका प्रतिक्रिया दुवै फिल्मका लागि उत्साहजनक देखिन्छ । तर प्रदर्शनका लागि पाउने हल संख्यामा भने 'मोक्ष' अगाडि रहेको छ । उक्त फिल्मले राजधानीका मुख्य तीनै मल्टिप्लेक्स बिग, क्यूएफएक्स र एफक्यूबमा सो पाएको छ भने 'झोला' तीमध्ये क्यूएफएक्समा मात्रै लाग्दै छ । देशभरमा 'मोक्ष' झन्डै  ७५ हलमा लाग्नेछ भने 'झोला' को भागमा ३५ जति परेको छ । राम्रा फिल्म एकसाथ भिड्नुमा फिल्म वितरकबीचको जुँगाको लडाइँलाई कारक मानिएको छ ।

शुक्रबारै अर्को नेपाली फिल्म 'मुटु' पनि लाग्नेछ । शुद्ध प्रेमकथा रहेको भनिएको फिल्मलाई सूर्य बोहराले नै निर्माण तथा निर्देशन गरेका हुन् । 'अग्निपरीक्षा' र 'कान्छा' फिल्मका निर्देशक बोहराले १४ वर्षको अन्तरालमा 'मुटु' लिएर आएका हुन् । फिल्ममा केकी अधिकारी, विमलेश अधिकारी, मुकेश आचार्य लगायतको अभिनय रहेको छ । रिलिजका हिसाबले भने उक्त फिल्मले डेढ दर्जन हल मात्रै पाएको छ ।

Read More

मोक्ष: आफैंमाथि राम्रो सिनेमा

मेरुदण्ड पक्षघात भएर कम्मरदेखि मुनिको भाग नचल्ने मानिसले के गर्न सक्ला? यो प्रश्नको उत्तर प्रवीण श्रेष्ठले दिएका छन्– आफ्नै जीवनमा आधारित फिल्म 'मोक्ष' को कथा लेखन, निर्देशन र सम्पादन गरेर।

परिवारको सहयोग विना साथीहरूसँग मिलेर ब्याण्ड खोलेको एक तन्नेरी संगीत क्षेत्रमा पहिचान बनाउन लागिपरेको छ। एउटा सांगीतिक प्रतिस्पर्धामा उसको समूह प्रथम पनि हुन्छ। तर, अकस्मात् अज्ञात समूहको आक्रमणमा परेर मेरुदण्ड पक्षघात भएपछि ब्याण्डका भोकलिष्ट प्रवीणका सपना चकनाचूर हुन्छन्। ब्याण्डका साथी र प्रेमिका समेत टाढा हुन्छन्। र पनि, ऊ निराशालाई पैतालामुनि दबाउँदै जीवनको बाटो पहिल्याउँछ। ‘मोक्ष’ हेरेपछि प्रवीणलाई साधुवाद नदिने कोही हुँदैनन्।

फिल्मले नायकलाई पक्षघात हुनु अघि र पछिको अवस्थाको बडो सन्तुलित चित्रण गरेको छ। फिल्मका अधिकांश दृश्यले दर्शकको मनमा तरङ्ग उत्पन्न गर्छ। शारीरिक अपाङ्गता हुनुको बोझिालो कथा सुनाउँदै, देखाउँदै फिल्म अघि बढ्दा दर्शकमा पीडाबाट आशा र उत्साह सञ्चार हुन थाल्छ। सवा दुई घण्टा दर्शकलाई एकोहोरो पार्ने ‘मोक्ष’ मेकिङ, छायाङ्कन, अभिनय, संवाद, गीत–संगीत सबै कुरामा अब्बल छ।

प्रज्ञान थापा र राज कथेतको पटकथा–संवादले छरिन नदिएको फिल्मलाई सञ्जीव सिंह, नवक्रान्ति, रक शास्त्र ब्याण्ड, धिलुङ राई र प्रवीणको आफ्नै संगीतले म्युजिकल बनाएको छ। रविन श्रेष्ठ, प्रताप सिंह र हरि हुमागाईको सिनेमाटोग्राफी उम्दा छ। प्रवीणले दर्जनौं फिल्म सम्पादन र सय भन्दा बढी म्युजिक भिडियो निर्देशन गरेको पूरापूर अनुभव देखाएका छन्। आफ्नो जीवनको कटु अनुभवमा २० प्रतिशत फिक्सन मिसाएर यो फिल्म तयार गरेको उनले बताए। सुनिल मानन्धर निर्माता रहेको ‘मोक्ष’ को मेकिङ फिल्ममा ‘पाँच फाइट, पाँच डान्स’ को घिसीपिटी फर्मूला पछ्याउनेहरूका लागि गतिलो पाठ बनेको छ। २४ माघबाट देशभर प्रदर्शनमा आउन लागेको यो फिल्मले हलमा छिरेका दर्शकलाई छिनछिनमा आँशु र हाँसोमा पार्नेछ।

अपाङ्गताको क्षेत्रमा क्रियाशील सक्षम नेपालले ९ माघमा च्यारेटी शो गरेको ‘मोक्ष’ मा प्रवीणको भूमिकामा गायक कोशिश क्षेत्री, उनकी प्रेमिकामा बेनिशा हमाल र ब्याण्डका पूर्व साथीहरूको भूमिकामा बिक्रम सिंह, मनिष गोदार र दिपेश भण्डारी सहित बसन्त भट्ट, शेखर चापागाई सबैले सशक्त अभिनय गरेका छन्। फिल्मले काभ्रेको साँगास्थित स्पाइनल इन्जुरी रिहाब्लिटेशन सेन्टर र काठमाडौं जोरपाटीको खगेन्द्र नवजीवन केन्द्रको रिह्याब सेन्टरमा संघर्षशील जीवन बाँचेका वास्तविक नायकहरूको अनुभवलाई पनि सुहाउँदो गरी समेटेको छ। सात वर्षअघि आफू जस्तै मेरुदण्ड पक्षघात भएका साथीहरू भेटेपछि फिल्म बनाउने सोच आएको प्रवीणले हिमाल सँग बताए।

Read More

हङकङमा कीर्तिमान

पूर्व ब्रिटिश–गोर्खा तुलसी गुरुङ हङकङ खेलकुद परिषद्को प्रमुख प्रशिक्षक बनेका छन्।

कास्कीका तुलसी गुरुङ ब्रिटिश–गोर्खामा छँदा फिजिकल फिटनेस प्रशिक्षक थिए। तेक्वान्दोको सातौं डन ५२ वर्षीय गुरुङ १६ वर्षअघि १९९७ मा सेनाबाट रिटायर्ड भएपछि हङकङमै बसेर ‘बडी गार्ड’ प्रशिक्षकको रुपमा सक्रिय भए। हङकङ तेक्वान्दोका खेलाडी तथा खेलकुद परिषद्को फिजिकल प्रशिक्षक रहिसकेका उनी अहिले हङकङ खेलकुद परिषद्को प्रमुख प्रशिक्षक बनेका छन्।

आफू राष्ट्रिय प्रशिक्षक भएपछि हङकङका खेलाडीहरूले थप प्रगति गरेको उनी बताउँछन्। उनका भनाइमा, पहिले हङकङका खेलाडीहरूको सीपलाई बढी र मानसिक–शारीरिक फिटनेसलाई कम महत्व दिइन्थ्यो। आफूले गोर्खा पल्टनमा हुँदा अनुभवको आधारमा खेलाडीहरूको सीपसँगै शारीरिक–मानसिक फिटनेसमा ध्यान दिएपछि उनीहरूको प्रदर्शनमा सुधार भएको गुरुङ बताउँछन्।

१६ वर्षको उमेरमा सन् १९७८ मा ब्रिटिश–गोर्खामा भर्ना भएका गुरुङले नेपाली खेलकुदमा पनि गौरवपूर्ण अनुभव सँगालेका छन्। उनी विदामा घर फर्केका वेला नेपालको प्रथम राष्ट्रिय खेलकुदमा पौडीतर्फको स्वर्ण पदक जितेका थिए भने दोश्रो राष्ट्रिय खेलकुदमा तेक्वान्दोतर्फ राष्ट्रिय च्याम्पियन बनेका थिए। नेपाली पासपोर्ट वाहक रहेका उनी आफ्नो देशको लागि पनि केही न केही गरी नै रहेका छन्। “खास गरेर नेपाली भाषा संस्कृतिका लागि आम्दानीको १० प्रतिशत खर्च गरिरहेको छु”, ३५ वर्षदेखि विदेशमा रहेका गुरुङ भन्छन्।

उनकै आर्थिक सहयोगमा कास्कीमा एउटा विद्यालय संचालित छ भने हङकङमा हङकङ नेपाली तेक्वान्दो एसोसिएसन (एचकेएनटीए), पोखरेली झ्याल र सहारा क्लब लगायतका संस्था मार्फत समाजसेवा गरिरहेका छन्। अब नेपाल तेक्वान्दो एसोसिएसनको सहकार्यमा नेपाली खेलाडीहरूलाई हङकङमा तालीमको प्रबन्ध मिलाउन खोजिरहेको गुरुङले बताए।

Read More

राजेश हमालको गफ

अभिनेता राजेश हमालले संचारकर्मीबाट फेरि पुरानै प्रश्नको सामना गर्नुपर्ने भएको छ ।

नाटक ‘कोर्ट मार्सल’ मा उम्दा अभिनय गरेर संचारकर्मीलाई केही समय प्रश्नका लागि नयाँ विषय दिएका राजेश हमाल अब पुरानै अवस्थामा पुगेका छन्। अर्थात्, अब संचारकर्मीले उनलाई भेट्यो कि ‘बिहे कहिले’ भनेर सोध्न थालेका छन्।

वर्षौं पुरानो यो प्रश्नमा उनले जहिल्यै ‘आउँदो मंसीरमा’ भन्ने गरेका थिए। तर, गत कात्तिकदेखि मंसीर आधा–आधीसम्म नाटक चलेको र यसको प्रभाव पनि गतिलै रहेकाले पुस आधा–आधीसम्म पत्रकार त्यसैमा अल्मलिए। त्यसपछिको समयमा एक जनाले त्यो प्रश्न गर्दा राजेशले ‘आगामी माघ’ भनेका थिए।

राजेशकी दुलहीको रुपमा मधु भट्टराईलाई बुझ्ने/बुझाउने गरिएको थियो। माघ पनि आधा सकिएकोले अब उनले ‘आगामी फागुनमा’ भन्ने छन्। राजेशको बिहेको फण्डालाई पनि उनले फिल्म ‘डाइरेक्सन’ गर्ने यसअघिको किस्सालाई जस्तै बिर्सिदिंदा नेपाली फिल्म उद्योगलाई के घाटा होला?

Read More

यौन समस्या होइन हिस्टेरिया

यौनेच्छा बढी भएपछि देखिने भनिएको हिस्टेरिया मानसिक तनावले हुने गरेको चिकित्सक बताउँछन्।

काभ्रेकी अनु गौतम (१९) (नाम परिवर्तन) एक वर्षअघि विद्यालयमा बेहोश भएर काम्न थालेपछि देउता चढेको आशंकामा गाउँकै धामीकोमा लगियो। धामीले फुकफाक गरेपछि त्यो दिन ठीक भए पनि त्यस्तै समस्या दोहोरिन थालेपछि शिक्षकहरूले अस्पतालमा उपचार गर्न सुझाए। धुलिखेल अस्पताल पुगेपछि उनले थाहा पाइन्, मनमा गुम्सिएका तनाव कसैलाई भन्न नसकेकाले त्यो समस्या देखिएको रहेछ। टाउको र कम्मर दुख्ने समस्या आफूलाई अप्ठ्यारो लाग्ने गणित विषय पढ्दा झन् बढ्ने गरेको बताउँदै अनु भन्छिन्, “केही नजान्दा गणित शिक्षकले पिट्ने हुँदा मलाई गणित शिक्षक कक्षामा आउँदा टाउको दुख्न शुरू हुन्थ्यो।”

केटालाई पनि हुन्छ अहिले १० कक्षामा पढ्दै गरेकी उनले त्यही समस्याका कारण ९ कक्षाको पढाइ दुई महीना छाड्नु परेको थियो। हिस्टेरिया भनिने ‘कन्भर्जन डिसअर्डर’ लाग्दा साथी, शिक्षक र घरपरिवारले बेवास्ता गर्ने गरेकाले आफू कमजोर महसूस भएर बेहोश हुने गरेको अनुभव सुनाउँछिन् उनी। मनोविदबाट ६ पटक परामर्श लिएपछि निको भएकी उनलाई अहिले शिक्षक र साथीले गर्ने व्यवहारमा परिवर्तन आएको महसूस हुन थालेको छ। गणितमा पनि राम्रो गर्न थालेकी उनी त्यस्तो समस्या आउँदा मुखमा पानी राखेर बस्न, गीत सुन्न, लामो सास लिन र ध्यान गर्न सुझाउँछिन्।

पाँच वर्षअघि नौ कक्षामा पढ्दा विद्यालयमा बेहोश भएका कपिलवस्तुका सञ्जिव चौधरी (२६) (नाम परिवर्तन) ले एक वर्षपछि समस्या अरू बढ्दै गएपछि सीमापारिको भारतीय बजार गएर छारेरोगको औषधि खान थाले। तर, पाँच वर्ष नियमित औषधि खाँदा पनि समस्या उस्तै रहेपछि तीन महीनाअघि काठमाडौं आएर एक जना मनोविदबाट परामर्श लिन थालेका छन्। पाँच वर्षसम्म रोग थाहा पाउन नसकेकाले पढाइ पनि छुटाएका उनले कमजोर आर्थिक अवस्था, पारिवारिक जिम्मेवारीको बोझ्, पढाइ खर्च जुटाउने समस्याले त्यस्तो समस्या देखिएको अहिले थाहा पाएका छन्।

पति वैदेशिक रोजगारीमा रहेकाले सात जनाको परिवारको जिम्मा लिएकी बझाङकी गीता ऐरी (२३) (नाम परिवर्तन) एक वर्षअघिसम्म घरमै बेहोश भएर लड्थिन्। “सबै समस्या सम्झ्ँदा टाउको दुखेर बेहोश हुन्थें र त्यसवेला बोलेको केही सम्झ्ना हुँदैनथ्यो” गीता भन्छिन्, “अस्पतालमा जँचाएपछि औषधि नदिएर सल्लाह दिनुभयो, तर; अझै पनि कामको बोझ् बढी हुँदा र राम्रो हेरचाह भएको महसूस नहुँदा त्यस्तै समस्या देखिन्छ।”

त्रिवि शिक्षण अस्पताल महाराजगञ्जमा माघको दोस्रो साता उपचार गर्न आएकी बुटवलकी सोमा श्रेष्ठ (१८) (नाम परिवर्तन) लाई डाक्टरले चिन्ता नलिन भन्दै घर पठाए पनि पुनः सास फेर्न गाह्रो भएर बेहोश हुन थालेपछि अस्पताल आइन्। त्रिविका सहप्राध्यापक तथा मनोचिकित्सक डा. सरोजप्रसाद वझा भविष्य सम्बन्धी चिन्ताले उनमा त्यस्तो समस्या देखिएको बताउँछन्। दुई वर्षअघि विवाह गरेकी सोमा पतिले विदेश जाने भनेकाले आफू एक्लो हुने र धोका दिने डरले कमजोर भएको बताउँछिन्। समस्या परेको वेला सहारा पाउनुको साटो आफन्तले बेवास्ता गर्दा सोमा जस्ता किशोरी–युवती पीडित भएको वझा बताउँछन्।

परामर्श आवश्यक

डा. वझा हार्मोनसँग सम्बन्धित हिस्टेरिया नेपाल जस्ता विकासोन्मुख मुलुकका १२ देखि २० वर्षका युवायुवतीमा बढी देखिने बताउँछन्। त्यो उमेरमा शारीरिकसँगै मनोवैज्ञानिक परिवर्तन र हार्मोनमा आउने उतार―चढावले केटाहरूको बोली धोद्रो हुने, दाह्री–जुँगा आउने र यौनेच्छा बढ्ने गर्छ भने केटीहरूमा पनि महीनावारी हुने, शरीरका अङ्गमा परिवर्तन आउने तथा त्यसको कारण थाहा नहुने र यौन चाहना बढ्ने गर्छ। त्यस्तो अवस्थामा मनका कुरा अरूलाई भन्न नसक्दा समस्या आउने र पुरुषलाई भन्दा त्यस्तो विषयमा छलफल गर्न महिलालाई अप्ठ्यारो हुने उनी बताउँछन्।

हिस्टेरिया भनिने यो समस्यालाई विश्व स्वास्थ्य संगठनले सन् १९९३ मा ‘कन्भर्जन डिसअर्डर’ नाम दिएको छ। मनोवैज्ञानिक तनावलाई व्यक्तिको भावनात्मक संयन्त्रले सहन नसकेपछि विकृत प्रतिक्रिया आउने हुनाले यसलाई कन्भर्जन डिसअर्डर भनिएको हो। पहिला यो समस्या महिलालाई मात्र हुने मानेर हिस्टेरिया भनिन्थ्यो। मेडिकल टर्ममा महिलाको पाठेघरको अप्रेसन गर्नुलाई ‘हिस्टेरेकटोमी’ भनिने हुँदा यहींबाट हिस्टेरिया भन्ने शब्द आएको हो। पुरुषलाई पनि हुन थालेपछि विश्व स्वास्थ्य संगठनले यसको नाम परिवर्तन गरेको डा. वझा बताउँछन्।

१० वर्षदेखि बाल―मानसिक स्वास्थ्य अन्तर्गत विद्यालयका बालबालिकासँग काम गरिरहेका मनोविद् मधुविलास खनाल घरमा कामको तनाव, कक्षामा प्रथम हुनुपर्ने दबाब, शिक्षकको नराम्रो व्यवहार, यौन दुर्व्यवहारले मनमा ल्याउने तनाव र कुण्ठा अरूलाई भन्न नसक्दा यो समस्या देखिने बताउँछन्। आफन्त तथा अरू कुनै व्यक्तिले गरेको दुर्व्यवहार महसूस गरे पनि बढ्दो उमेरका किशोरीहरूले विरोध गर्न नसक्दा विद्यालयमै ढल्ने समस्या देखिएको उनको भनाइ छ। विद्यालयमा यौन शिक्षा नदिइनु र घरपरिवारमा पनि त्यसबारे खुलेर कुरा गर्ने वातावरण नहुनु यो समस्या देखिनुका अरू कारण हुन्।

दश वर्षदेखि मानसिक स्वास्थ्यका क्षेत्रमा काम गरेको मानसिक स्वास्थ्य तथा परामर्श केन्द्र नेपाल (सीएमसी) ले ३२ जिल्लाका ३८ हजार ५७ जनालाई सेवा दिएकोमा ११९० जना यही समस्याका पीडित थिए। उनीहरूमध्ये ३३९ जना पुरुष छन्। सीएमसीका कार्यक्रम निर्देशक रामलाल श्रेष्ठ रुढिवादी संस्कार मान्ने समुदायमा यो समस्या बढी देखिएको बताउँछन्। त्यस्ता ठाउँमा यो समस्या देखिंदा देउता रिसाए भन्दै बिरामीलाई धामीकोमा लैजाने चलन छ। त्यही कारण सीएमसीले धामी, स्वास्थ्यकर्मी र स्वास्थ्य स्वयम् सेविकासँग समन्वय गरेर उनीहरूलाई परामर्श दिने गरेको छ। उसको यो कार्यक्रम इलाम, ओखलढुंगा, मोरङ, उदयपुर, रसुवा, धादिङ, रोल्पा, सल्यान, दैलेख, सुर्खेत, डोटी, डडेल्धुरा, अछाम, बझाङ, बर्दिया र कैलालीमा संचालित छ।

हिस्टेरिया भएका केटीलाई विवाह गर्दा समस्या समाधान हुन्छ भन्ने बुझाइ पनि धेरै ठाउँमा रहेको देखिन्छ। तर, त्यस्तो समस्या हुँदा विवाह भएका महिला र पुरुष दोहोरो समस्यामा पर्ने गरेका छन्। निर्देशक श्रेष्ठ त्यस्तो सोचाइ गलत भएको बताउँदै भन्छन्, “यो समस्या देखिंदा विद्यालय बन्द गर्नुभन्दा समस्या पहिचान गरी समाधान गर्नु उपयुक्त हुन्छ।”

——————————————————————————————————————————————

महिलालाई किन बढी हुन्छ?

महिलाले पुरुष जति आफ्ना कुरा व्यक्त गर्न नसक्ने हुनाले उनीहरूको मनमा पीडा गुम्सिएको हुन्छ। त्यही कारण यो समस्या महिलामा बढी हुन्छ। केहीले यो समस्यालाई यौनसँग गाँसे पनि यो तनावसँग सम्बन्धित हुन्छ।

किशोरीमा यो समस्या किशोरमा भन्दा बढी देखिनुमा उनीहरूमा आउने शारीरिक परिवर्तनसँगै परिवार र समाजबाट बढी नियन्त्रण हुनु हो। महिलाले सहनुपर्छ, लजाउनुपर्छ, सेवा गर्नुपर्छ जस्ता सामाजिक मान्यताका कारण पनि महिला बढी अन्तरमुखी बन्न बाध्य हुन्छन्। पढ्ने, जीवन साथी रोज्ने र आफ्ना समस्यालाई नडराई, नलजाई भन्न सक्ने वातावरण भएका देशहरूमा हिस्टेरियाको समस्या कम भएको देखिन्छ।

——————————————————————————————————————————————–

कन्भर्जन डिसअर्डर (हिस्टेरिया) का लक्षण

** बेहोश हुने

** काम्ने

** अदृश्य शक्तिले छोप्ने

** हात खुट्टा झम्झमाउने/लाटो हुने

** घाँटीमा डल्लो अड्केको जस्तो हुने

** वाक्वाकी लाग्ने, वान्ता हुने, पेट दुख्ने

** छिटोछिटो सास फेर्ने

** हात/खुट्टा वा दुवै नचल्ने

** आवाज बन्द हुने

** आँखा नदेख्ने

** रुने, चिच्याउने

** कुटपिट गर्ने, कपडा च्यात्ने

** सम्झना शक्ति हराउने

** जता मन लाग्यो त्यतै हिंड्ने वा दौड्ने

समस्या समाधानका उपाय

** एकान्त कोठामा राख्ने

** आराम गर्न दिने

** लामो सास तान्न लगाउने, पानी खुवाउने

** मनको तनावलाई बाहिर निकाल्न प्रोत्साहन गर्ने

** औषधि सेवन नगर्ने

** आमाबाबु या रोगीलाई यो कडा रोग होइन भनी सम्झाउने

Read More

सत्ता प्राथमिकतामा छैनः दाहाल

एमाओवादी अध्यक्ष पुष्पकमल दाहालले सत्ता आफ्नो प्राथमिकतामा नरहेको बताएका छन् ।

एमाओवादी अध्यक्ष दाहालले तत्काललाई सत्ता आफ्नो प्राथमिकतामा नरहेको बताएका हुन् । महोत्तरीको बर्दिबासमा २४ माघमा पत्रकारसँग कुरा गर्दै उनले सत्ता भन्दा पनि संविधान निर्माणमै आफूहरु केन्द्रित हुने बताए ।

“हाम्रो पार्टीको मुख्य ध्येय नै संविधान निर्माण हो,” उनले भने, “हाम्रो पार्टीले सरकारमा नजाने निर्णय गरिसकेको छ ।” तर, उनले आफूहरु सरकारमा नजाँदा संविधान निर्माणमै समस्या देखिए त्यसबारे पुनःविचार गर्ने टिप्पणी गरे ।

पहिलो संविधानसभाका निर्णयलाई स्वामित्वमा लिएर सबै दल संविधान निर्माणमा लचिलो भएर जुटे नेपाली जनताले अबको एक वर्षभित्रै संविधान पाउने उनको भनाइ छ ।

Read More

पेन्टिङ–जीवनको सहारा

सुन्न–बोल्न नसक्ने रश्मि अमात्यले रङलाई अभिव्यक्तिको माध्यम बनाएकी छन्।

ललितपुर कुपण्डोलकी रश्मि अमात्यले बोल्न र सुन्न नसक्ने समस्यालाई रङ र कुचीले समाधान गरेकी छन्। उनी यस्तो सिर्जना गरिरहेकी छन् कि हेर्नेमध्ये कसैले यो सुन्न, बोल्न नसक्ने कलाकारले बनाएको हो भनेर अनुमानै लगाउन सक्तैन।

बाल्यकालदेखि नै चित्रकलाप्रति आकर्षित रश्मिले अहिले यसैबाट पहिचान बनाएकी छन्। १६ वर्षअघि पहिलो एकल प्रदर्शनी गरेकी रश्मिले त्यसयता अस्ट्रेलिया, बंगलादेश र भारतमा समेत गरी चार एकल र दर्जनौं सामूहिक प्रदर्शनी गरेकी छन्।

चित्रकलामा लागेको डेढ दशकपछि अहिले रश्मि सिर्जना कलेज अफ फाइन आर्टस्बाट पेन्टिङमा स्नातक गर्दैछिन्। पेन्टिङलाई जीवनको सहारा बनाएकी रश्मि अपाङ्गताका कारण आफूलाई लेखपढ गर्न निकै गाह्रो भए पनि मनोबलबाट सफल हुने दोभाषे मार्फत बताइन्।

रंगकर्मी हरि अधिकारीसँगको वैवाहिक सम्बन्धले जीवनलाई सहज बनाएको उनको अनुभव छ। रश्मिले दोभाषे मार्फत भनिन्, “श्रीमान्को ठूलो मन र मायाले कलाकर्म अगाडि बढेको छ।”

Read More

नेपालको रेल्वे सेवा बन्द

कर्मचारीका कारण

नेपालको एक मात्र रेल्वे सेवा अनिश्चितकालका लागि बन्द भएको छ ।

पाँच महीनादेखि तलब नपाएको भन्दै कर्मचारीहरु काममा नफर्किदाँ नेपालको एक मात्र रेल्वे सेवा अनिश्चितकालका लागि बन्द भएको हो । ब्रोडगेज निर्माणका लागि माटो पुर्ने काम भइरहेकाले रेल नचलेको व्यवस्थापनले जनाए पनि कर्मचारी नै नआए पछि रेल्वे सेवा बन्द भएको हो ।

८ माघदेखि बन्द रेल । तस्वीरः मिली झा

नेपाल रेल विभागका ओभरसियर रामचन्द्र साहले पाँच महीनासम्मको तलब नपाएसम्म काममा नफर्किने कर्मचारीले अडान लिए पछि रेल संचालन अनिश्चित भएको बताए । काम नपाएर कर्मचारीहरु कार्यालयमा आएर टाइमपास मात्र गर्ने गरेको उनको भनाइ छ ।

तर, विभागमा निमित्त महाप्रबन्धक रामेश्वर यादवले भने आर्थिक अभाव तथा मर्मतका कारण रेल बन्द भएको बताए । उनले बन्द रेल सेवा संचालनमा ल्याउने मितिबारे भने केही बताएनन् ।

भारतको जयनगरबाट ६ माघमा यात्रुसहित जनकपुर आइरहेको बेला इन्जिनमा खराबी आएको भन्दै चालकले रेल बीच बाटोमै रोकेका थिए ।

Read More

धमाधम सम्बन्धविच्छेद

बहुविवाहका कारण पुनर्वास जान नपाउने हुनाले भूटानी शरणार्थी महिला धमाधम सम्बन्धविच्छेद गर्दैछन्।

आठ छोराछोरी र आठै जना नातिनातिना भएकी तुलसीमाया विश्वकर्मा (६६) पति सन्तवीर (७०) र सौता बुद्धमायासँग झापाको बेलडाँगी–१ मा रहेको शरणार्थी शिविरको सेक्टर सी–२ अन्तर्गत १८७ नम्बर छाप्रोमा २३ वर्षदेखि बसिरहेकी छिन्। पतिसँग सम्बन्धविच्छेद गर्न ९ माघमा वकील दीपक निरौलाको कार्यालयमा पुगेकी उनलाई शुरूमा पतिलाई लगाउने आरोप भन्न अप्ठ्यारो भयो। पछि उनैसँगको सल्लाह अनुसार श्रीमान् र सौतासँग मिलेर बस्न नसकेको व्यहोराको उजुरी वकीलले तयार पारे।

अमेरिका लगायत तेस्रो देश पुनर्वास जान पतिसँग सम्बन्धविच्छेद गर्दै थिइन्, तुलसीमाया। ती मुलुकमा एक जनाले एक समयमा एउटासँग मात्र विवाह गरेको हुनुपर्ने कानून रहेकाले बहुविवाह गरेका भूटानी शरणार्थीहरू अहिले धमाधम सम्बन्धविच्छेद गर्दैछन्। सम्बन्धविच्छेद गराउन सन् २०१३ मा झापा जिल्ला अदालतमा १७० महिलाले मुद्दा दर्ता गराएका थिए। सन् २०१२ मा पनि जिल्ला अदालतमा १२२ भूटानी महिलाले सम्बन्धविच्छेदका लागि मुद्दा दिएका थिए।

झापा बारको शरणार्थीका लागि कानूनी सहायता एकाइका अनुसार सम्बन्धविच्छेदका लागि दिइएका सबै मुद्दामा दाबी अनुसारकै फैसला आएको थियो। यस्ता मुद्दामा सरदर तीनदेखि पाँच महीनामा फैसला आउने गर्छ।

शरणार्थी उच्चायोगको सहयोग

भूटानी शरणार्थी महिलालाई सम्बन्धविच्छेदको मुद्दा गर्न झापा बार एसोसिएसनले शरणार्थी सम्बन्धी राष्ट्रसंघीय उच्चायोगको सहयोगी संस्था बनेर सघाइरहेको छ। बारले हरेक शिविरमा एक जना वकील रहेको कानूनी सहायता इकाई स्थापना गरेको छ। शान्ता पाठक बेलडाँगी–१ को शिविरमा खटिएकी वकील हुन्। मुद्दा गर्दा शिविरबाट हरेक पटक अदालत जान प्रतिव्यक्ति रु.२२० दिइन्छ भने मुद्दा हेर्ने वकीलले रु.३ हजार अग्रिम आयकर कट्टा गरी प्रति मुद्दा रु.१७ हजार झापा बारबाट पाउँछन्।

सन् १९९० मा भूटानमा राजनीतिक आन्दोलन शुरू भएपछि सरकारको दमन खेप्न नसकेर नेपालमा शरणार्थी भएका नेपालीभाषी भूटानीलाई सन् २००८ देखि अमेरिका र यूरोपका आठ देशले लैजान थालेका हुन्। शरणार्थीलाई उनीहरूकै देशमा फर्काउनु सबैभन्दा उपयुक्त भए पनि भूटानले फर्काउन नमानेपछि र नेपालले पनि सधैंका लागि बास दिने वा नदिने निधो नगरेपछि शरणार्थीका लागि तेस्रो विकल्प दिइएको हो।

राजाका समेत चार वटा पत्नी भएको भूटानमा बहुविवाह सामान्य मानिन्छ। शिविर बाहिरका नेपाली वा गैरभूटानीसँग बिहे गरेका भूटानी महिलाले पनि पतिसँग सम्बन्धविच्छेद गरेपछि मात्र भूटानी शरणार्थीको पहिचानसाथ पुनर्वासमा जान पाउँछन्। सम्बन्धविच्छेद नगर्ने हो भने उनीहरू पतिको देशको नागरिक बन्छन्। भूटानीसँग बिहे गरेका नेपाली वा गैरभूटानी महिलाले भने आफ्नो मुलुकको राहदानी बनाई पतिसँग पुनर्वासमा जान पाउने व्यवस्था छ। तर यो तरिकाबाट राहदानी बनाउन र पुनर्वास जान लामो प्रक्रिया पूरा गर्नुपर्छ।

धमाधम सम्बन्धविच्छेद

माघमा वकील शान्ता पाठकको च्याम्बरमा थिइन्, काखमा तीनवर्षे छोरी बोकेकी बेलडाँगी–१ शरणार्थी शिविरकी मञ्जु डोल्मा तामाङ र लैंगिक समता कार्यकर्ता नरमाया। शनिश्चरे शिविरमा बस्ने पति जीतबहादुर बच्चा जन्मिनुअघि बेपत्ता भएपछि तीन वर्षदेखि माइत बसेकी मञ्जु सम्बन्धविच्छेद गरेर पुनर्वास जाने योजनामा छिन्। अदालतले बकपत्रको लागि दिएको कागज बोकेकी उनले भनिन्, “एकतर्फी सम्बन्धविच्छेदको मुद्दा भएकाले छिट्टै फैसला हुन्छ होला।”

पति बिर्खबहादुर (४०) पाँच वर्षदेखि बेपत्ता भएपछि बेलडाँगी―१ की फूलमाया तामाङ (४०) दुई जना छोराछोरीसाथ शिविरमा बस्छिन्। पुनर्वासमा जान बेपत्ता पतिसँग सम्बन्धविच्छेद गर्ने निधोमा पुगेकी उनी ९ माघमा झापा जिल्ला अदालतमा वकील सन्तोष प्रसाई मार्फत सम्बन्धविच्छेदको कागजात तयार पार्दै थिइन्।

सम्बन्धविच्छेदको परामर्श गर्न चन्द्रगढी पुगेकी बेलडाँगीकी मंगलीमाया तामाङ।

बेलडाँगी–१ को शरणार्थी शिविर सेक्टर डी–४ की चार छोराछोरीकी आमा र चार नातिनातिनाकी हजुरआमा मंगलीमाया तामाङ (५१) पनि पति सनबहादुरसँग सम्बन्धविच्छेद गर्न ९ माघमा वकीलसँग चन्द्रगढीमा परामर्श गर्दै थिइन्। उनकै सहमतिमा १६ वर्षअघि घर भित्रिएकी सौता बुद्धमाया र पतिसँग उनी सगोलमा बस्छिन्। बेलडाँगी–१ की आशमाया राई (३४) पनि ९ माघमै दमक–१० घर भएका श्रीमान् पवन लिम्बूसँग सम्बन्धविच्छेद गर्न चन्द्रगढीमा वकील सुभद्रा ढकालसँग परामर्श गर्दै थिइन्।

पुनर्वासमा अमेरिका जान लागेका यी महिलालाई मुद्दा गर्न सघाएकी बेलडाँगी शरणार्थी शिविरकी लैंगिक समता नामको संस्थाकी कार्यकर्ता नरमाया गुरुङले पनि गत वर्ष दमक–५ मा घर भएका नेपाली पति हेमन्त राईसँग सम्बन्धविच्छेद गरेकी हुन्। पतिले विवाह दर्ता नगरिदिएको र जेठी पत्नीलाई ल्याएर आफूलाई शारीरिक यातना दिएको कारण सम्बन्धविच्छेद गर्नुपरेको उनी बताउँछिन्। लैंगिक समताले शिविरका महिलामाथि हुने लैगिक र कानूनी समस्यामा सहयोग गर्छ।

पुनर्वासमा अमेरिका जान लागेका यी महिलालाई मुद्दा गर्न सघाएकी बेलडाँगी शरणार्थी शिविरकी लैंगिक समता नामको संस्थाकी कार्यकर्ता नरमाया गुरुङले पनि गत वर्ष दमक–५ मा घर भएका नेपाली पति हेमन्त राईसँग सम्बन्धविच्छेद गरेकी हुन्। पतिले विवाह दर्ता नगरिदिएको र जेठी पत्नीलाई ल्याएर आफूलाई शारीरिक यातना दिएको कारण सम्बन्धविच्छेद गर्नुपरेको उनी बताउँछिन्। लैंगिक समताले शिविरका महिलामाथि हुने लैगिक र कानूनी समस्यामा सहयोग गर्छ।

Read More

‘काँग्रेसकै नेतृत्वमा सरकार बन्नुपर्छ’

काठमाडौँ, माघ २४ गते ।  नेकपा एमालेका सचिव विष्णु पौडेलले नेपाली काँगे्रसका सभापति सुशील कोइरालाको नेतृत्वमा सरकार गठन हुनुपर्ने बताउनुभएको छ ।

 
एमालेले सरकारको नेतृत्व दाबी गर्दै अहिले प्रधानमन्त्रीका लागि उम्मेदवारी नदिने प्रष्ट्याए पनि पौडेलले सरकारको नेतृत्व आलोपालो गर्नुपर्नेमा जोड दिनुभयो ।  
“हाम्रो पार्टी सबैभन्दा ठूलो दलका नाताले अहिले काँग्रेस सभापति कोइरालाकै नेतृत्वमा सरकार बन्नुपर्ने पक्षमा छ ।  “अहिले एमालेले सरकारको नेतृत्व दाबी गर्र्दैन,” उहाँले भन्नुभयो, “एक वर्षभित्र संविधान जारी गर्ने दलहरूको प्रतिबद्धता छ ।  त्यसअघि एउटा पार्टीले र त्यसपछि अर्को पार्टीले सरकारको नेतृत्व गर्नुपर्छ भन्ने हाम्रो धारणा छ । ”  
रिपोर्टर्स क्लबले बिहीबार आयोजना गरेको साक्षात्कारमा पौडेलले आगामी माघ २७ गते नै देशले नयाँ निर्वाचित प्रधानमन्त्री पाउने जिकीर पनि गर्नुभयो ।  सत्ता समीकरणका लागि पार्र्टीद्वारा गठित वार्ता टोलीका सदस्यसमेत रहेका पौडेलले नयाँ जनादेश अनुसार राष्ट्रपति र उपराष्ट्रपतिको निर्वाचन, सरकारको न्यूनतम साझा नीति तथा कार्यक्रम, सरकारको कार्याविधि, संविधान निर्माणलगायतका विषयमा सहमति 
नभई एमाले सरकारमा नजाने बताउनुभयो ।  
सरकार गठन हुने विषय काँग्रेस र एमालेबीचको सहमतिमा निर्भर हुने बताउँदै पौडेलले काँग्रेस लचिलो भए चाँडो सहमति हुने विश्वास व्यक्त गर्नुभयो ।  यद्यपि वार्ता सकारात्मक दिशामा उन्मुख रहेकोले सहमति बन्ने विश्वास उहाँको थियो ।  
राष्ट्रपति र उपराष्ट्रपतिको निर्वाचनलाई एमालेले सबैभन्दा बढी महìव दिएको उल्लेख गर्दै सचिव पौडेलले त्यसमा काँग्रेसले खण्डन नगरेको दाबी गर्नुभयो ।  

Read More

बस दुर्घटनामा मर्नेको सङ्ख्या चौध पुग्यो, अहिलेसम्म सनाखत हुन सकेन

तानसेन,  माघ २३ गते । पाल्पाको चिदीपानीमा आज बिहान भएको बस दुर्घटनामा मर्नेको सङ्ख्या १४ पुगेको छ । मृतकहरुको सनाखत हुन नसक्दा शव परीक्षण हुन सकेको छैन ।

पोखराबाट भैरहवातर्फ जाँदै गरेको लु१ख ४९२४ नम्बरको यात्रुबाहक बस चिदीपानी गाविस–२ भालुखोला भन्ने स्थानमा राति २ बजेतिर दुर्घटना हुँदा सात जना गम्भीर घाइते भएका छन् । घाइतेको युनाइटेड मिसन अस्पताल र लुम्बिनी मेडिकल कलेज प्रभाषमा उपचार भइरहेको प्रहरीले जनाएको छ ।
दुर्घटनामा परी घाइते हुनेमा स्याङ्जा जिल्ला चिनीवास गाविस–७, बस्ने ३७ वर्षीय तुलबहादुर राना, बर्दिया जिल्ला मङ्गलागढी गाविस–९ बस्ने ३९ वर्षीया कमला ठकुरी, रुकुम मरावान गाविस–८ बस्ने ४३ वर्षीय नरबहादर बुढा मगर र बागलुङ भकुन्डे–६ बस्ने २३ वर्षीय सूर्य खत्रीको युनाइटेड मिसन अस्पातालमा उपचार भइरहेको छ ।
यस्तै, लुम्बिनी मेडिकल कलेज प्रभाषमा उपचार भइरहेका स्याङ्जा जिल्ला चिनीवास गाविस–७ बस्ने १९ वर्षीय दीपक कुवँर, बर्दिया जिल्ला मङ्गलागढी गाविस–९ बस्ने २७ वर्षीय चन्दा ओली र रुपन्देही जिल्ला बुटबल नगरपालिका–६ बस्ने २४ वर्षीय प्रदीप केसरीको अवस्था चिन्ताजनक रहेको सो अस्पतालले जनाएको छ ।
रातको समयमा बस दुर्घटना हुँदा उद्धारमा समस्या भएको थियो । स्थानीयवासी र नेपाल प्रहरी आज बिहानभरि उद्धारमा खटिएको प्रहरीले जनाएको छ । रासस

Read More

पोखरामा अब प्लाष्टिक देख्नै नपाइने

पोखरा, माघ २२ - पोखरा उप महानगरपालिकालाई प्लाष्टिक मुक्त नगर घोषणा गर्न तयारी तीव्र पारिएको छ ।

यहि माघ मसान्तभित्रै नगरका सबैजसो पसल तथा ठाउँमा २० माईक्रोनभन्दा कम साईजका प्लाष्टिक प्रयोगमा पूर्ण प्रतिबन्ध लगाएर फागुन १ गते पोखरालाई प्लाष्टिकमुक्त घोषणा गर्ने तयारी छ ।

पोखरामा यसअघि २०६८ सालमा नै कालो प्लाष्टिक प्रयोगमा पूर्ण प्रतिबन्ध लगाइसकिएको छ ।

पोखराको वातावरणलाई स्वच्छ तथा हराभरा बनाउने उद्देश्यले प्लाष्टिक मुक्त बनाउन लागिएको पोखरा उपमहानगरपालिकाका सरसफाई अधिकृत चूडामणि तिवारीले जानकारी दिनुभयो । यसअघि पोखरालाई मंसिरमै प्लाष्टिकमुक्त घोषणा गर्ने योजना भएपनि संविधानसभा निर्वाचनका कारण पछाडि सारिएको थियो ।

उप महानगरपालिकाले आवश्यक तयारी पुरा भएमा माघभित्रै घोषणा गर्ने बताएपनि फागुन १ गतेमात्रै घोषणा गर्ने तयारी भइरहेको सरसफाइ अधिकृत तिवारीले जानकारी दिनुभयो ।

प्लाष्टिक तथा प्लाष्टिकजन्य पदार्थले मानव स्वास्थ्य तथा वातावरणमा प्रत्यक्ष असर गर्ने भएकाले पोखरालाई प्लाष्टिकमुक्त नगर घोषणा गरी कागज, कपडा, जुट वा अन्य पदार्थबाट बनेका झोला र सामग्रि प्रयोगमा जोड दिइने उहाँले बताउनुभयो ।

पहिलो चरणमा उप महानगरपालिकाले नीजि क्षेत्रसँग साझेदारी गरी कागज वा अन्य पदार्थबाट बनेका झोला उत्पादन गरी वितरण गर्ने तयारी पनि गरिरहेको छ ।

प्लाष्टिकबाट बनेका झोला, चिया खाने गिलास, चम्चा लगायतका सामग्रि प्रयोगमा पनि नियन्त्रण गर्ने उप महानगरपालिकाको योजना छ ।

पोखरालाई प्लाष्टिकमुक्त शहर निर्माणका लागि अहिले सरोकारवालाहरुसँग छलफल चलिरहेको र अब स्थानीय स्तरमा सचेतना कार्यक्रम गरिने सरसफाई अधिकृत चूडामणि तिवारीले जानकारी दिनुभयो ।

Read More

सुसाइड नोट लेखेर किशोरीले गरिन् आत्महत्या

भक्तपुर, माघ २२ – सुसाइड नोट लेखेर भक्तपुर सिरुटार २ चारदोबाटो बस्ने एक किशोरीले आत्महत्या गरेकी छिन् ।

भिएस निकेतनमा कक्षा ११ मा अध्ययनरत १७ वर्षकी सविना कार्कीले आफ्नै घरको भर्‍याङमा झुण्डिएर आत्महत्या गरेको प्रहरीले जनाएको छ ।

सुडाइड नोटमा सविनाले बाँच्ने चाहना नभएर आत्माहत्या गरेको लेखेको र यसमा कसैको दोष नभएको लेखेको प्रहरीले जनाएको छ । उनले नोटमा आफ्नो प्रेम प्रसंगको बारेमा पनि लेखेको प्रहरीले जनाएको छ । प्रहरीले घटनाको अनुसन्धान भइरहेको जनाएको छ ।

Read More

यी हुन बिश्वको उत्कृष्ट तस्वीरका प्रतिस्पर्धीहरु

‘सोनी वर्ल्ड फोटोग्राफी एवार्ड २०१४’को प्रतिस्पर्धामा रहेका तस्वीरहरुको सूची सार्वजनिक गरिएको छ । यो बर्ष विश्वका १ सय ६६ मुलुकका फोटोग्राफरहरुले कूल एक लाख ४० हजार तस्वीर पेस गरेका थिए ।

यो संख्या गत ७ वर्षयताकै धेरै हो । गत १२ महिनाभित्र खिचिएका अद्धितीय तस्वीरले पुरस्कार जित्नेछन् । यो एवार्ड तीन बिधामा हुने छ । प्रोफेसनल, ओपन र युथ मुख्य बिधामा दर्जनौं उप बिधाहरु तोकिएका छन जसअन्र्तगत सयौं तस्वीर प्रतिस्पर्धामा छन् ।

हामीले यहाँ तपाईलाई प्रोफेसनल र ओपन बिधामा प्रतिस्पर्धारत केही तस्वीरहरु पेश गरेका छौं जो जीतको दौडमा छन् ।

 

 

 

 

 

 

 

 

Read More

Salman Khan in Affair with Nepali Girl

It is the most surprising news for all of us that Bollywood superstar Salman Khan is having affair with a Nepali girl. You might feel it hard to believe but we come to know about this fact yesterday. Salman Khan who is also known as lover-boy of Bollywood has finally found his soul mate.

The superstar already had an affair with former miss world and top leading lady of Bollywood Aishwarya Rai who is now the daughter in law of Bollywood legend Mr. Amitab Bachhan and wife of Abhishek Bachhan, struggling actor of Bollywood. Later the lover-boy sets his fate with Katrina Kaif, another leading lady of Bollywood but the bond between Salman and Katrina was not found to be strong enough to tie their relationship and broken up. Nowadays Katrina is having affair with Ranbeer Kapoor, Son of Rishi Kapoor and rising superstar of Bollywood. Few months back topless Ranbeer and Katrina in bikini were found enjoying in the beach side of Spain.

It is being heard that Salman Khan was so hurt because of Ranbeer-Katrina relationship and he was searching for a life partner.  Finally the search ends and the superstar found his dream girl from the lap of Himalayas. Nepal, the most beautiful and peaceful country in the world is going to be the “Sasural” of Salman Khan. The year 2014 is being lucky for the Tiger of Bollywood. Recently he ends his war with another Legend of Bollywood Mr. Shah Rukh Khan in the set of Star Guild Award hosted by him and he gets his lover now. Shah Rukh and Salman was said to be “Jigri Dost” in Indian film industry before 2009. But in the year 2009, on the occasion of Katrina’s Birthday they fought with each other and the Khan war begins. Now finally the war has come to an end everyone in Bollywood wants to see Salman and Shah Rukh sharing the same screen together.

All of the fans are so curious to know about Salman’s new girlfriend but Salman has not spoken anything about his latest relationship. Probably he might want to keep it secret but we are the lucky one to know about all these in brief. Samita Shrestha is the name of Salman’s new girlfriend. The love story of Salman and Samita is not so old. They first meet in Jaipur where Salman was promoting his new movie “Jai Ho” and Samita was there to see Salman. The heroine of the movie Daisy Shah was not feeling well and only Salman and his brother and director of the film Soheil Khan was talking about the movie and requesting their fans to watch it. But the audience demands Salman to dance on the song “Tere naina…naina….” Salman accepts the audience request and ask for music but at the same time Soheil humorously said that, “Our heroine is not feeling well enough to dance we want one from you guys.” And luckily point his finger to Samita and asked her to come stage and join Salman. Samita feel so unconscious and could not react anything for some times and Salman gently ask her if she is nervous. Samita said, “I cannot believe that I am with you in the same stage. I need someone to pinch me.” Salman slowly pinch her and ask, “Is it ok?” Samita in a smiling face said, “Oh! It’s a dream come true.” Soheil in the other side said, “Was it your dream to get pinched from Salman?” and everyone laughs. Salman then asked Samita about herself,

Salman: What is your name and where are you from?

Samita: (Feeling nervous) my name is Samita Shrestha and I am from Nepal, and I cannot tell you how I am feeling this time. I just want to tell you that I am the huge-huge fan of yours.

Salman: (Smiling gently) It is my pleasure that I have so beautiful fan like you, I truly say that you are the most beautiful girl in the earth.

Samita: (Feeling unconscious) Oh…..!!! (Smiling) Thank you Salman, Thank you so much.

Salman: Are you ready to dance?

Samita: I am always ready for you.

(Both Smiles and start dancing)

When the dance is over Salman asks Samita to go backstage and wait for him. He also goes backstage after the press meet and they have a lot of discussion. At the end Salman calls Smita to Mumbai and they started daily dating there. After few days Salman fix a meeting with his father Salim Khan and Samita and ask him how is she? Salim Uncle appreciates Salman’s choice and now the parents of Samita are going to meet Salman and his family and talk about their relationship. We wish all the best to both Salman and Samita and pray that they may stay happily together forever.

Read More