अछाम, माघ १७ – तीन दिनदेखि सुत्केरी व्यथा लागेर नेपालगञ्ज रिफर गरिएकी अछाम मंगलसेन ५ की सवी नगार्जीको वयालपाटा अस्पतालमा शल्यक्रिया गरी सुत्केरी गराइएको छ ।
जिल्ला अस्पतालले शल्यक्रिया गरेर बच्चा
निकाल्न खोज्दा बेहोस पार्न नसकेपछि नेपालगञ्ज रेफर गरेको थियो । नेपालगञ्ज
लैजाने एम्बुलेन्स खोज्दै बयालपाटा अस्पताल पुर्याइएकी सवीलाई अस्पतालका
मेडिकल निर्देशक डा. श्रीराम तिवारीले नेपालजञ्ज पुग्न नसक्ने अवस्था
देखेपछि त्यहीँ अप्रेशन गर्नुभएको हो ।
अवस्था निकै जटिल रहेको र नेपालगञ्ज
पुर्याउँदा गर्भवतीको ज्यानै जानसक्ने खतरा देखेर अप्रेशन गरेको डा.
तिवारीले बताउनुभयो । बिहीवार बिहान शुरु गरिएको अप्रेशन करिब ४ घण्टामा
सफल भएको थियो ।
छोरा जन्माएकी सवी र बच्चाको स्वास्थ्य
अहिले सामान्य रहेको अस्पतालले जनाएको छ । अस्पतालले हालसम्म २० महिलाको
अप्रेशन गरी सुत्केरी गराएको मेडिकल निर्देशक डा. श्रीराम तिवारीले
बताउनुभयो ।
0 comments:
Post a Comment