रसुवामा अचम्मको गाउँ ! फोटो सहित

रसुवाको राम्चेमा रहेको गोम्चेत गाउँका बासिन्दा वर्षौंदेखि गुफामा बस्दै आएका छन ।

१३ घर परिवार आर्थिक अभावमा वर्षौंदेखि गुफामा बस्दै आएका हुन् । उनीहरुले कलात्मक तरीकाले गुफालाई घरमा परिणत गरेका छन ।

पछाडिपट्टि र छानो समेत ढुंगाको सहारामा रहेको तर अगाडिबाट हेर्दा घर नै जस्तो बनाएर उनीहरु बसिरहेका छन । स्थानीयबासिन्दाले आफ्ना पुर्खाहरु नै गुफामा बसेको बताएका छन । जंगलको नजिकै रहेकाले त्यहाँका बालबालिकालाई विद्यालय जान अप्ठ्यारो पर्ने गरेको छ । टाढा रहेपनि प्राथमिक तहको शिक्षा लिनका लागि त्यहाँका केही बालबालिका विद्यालय जाने गरेका छन भने धेरै बालबालिका विद्यालय जानबाट बञ्चित भएका अध्ययनको सिलसिलामा त्यहाँ पुगेका जनावरविद् डाक्टर मुकेश चालिसेले बताउनुभयो ।  गोम्चेत गाउँमा तामाङ्ग, लामा र घलेहरु बस्छन । निकै पहिले राज्यबाट खेदिएकाहरुले आश्रय लिएको र पछि गाउँमा परिणत भएको अनुमान गरिएको छ ।