माओवादी आक्रमणमा सात प्रहरीको मृत्यु

भारतको छत्तिसगंढको दन्तेवाडा जिल्लामा रहेको कुवाकोण्डामा शुक्रबार माओवादीको एम्बुसमा एक सब इन्स्पेक्टरसहित ७ प्रहरीको मृत्यु भएको छ ।

प्रहरी अधिकारीहरुका अनुसार मृत्यु हुने सब इन्सपेक्टर विवेक शुक्ला हुन् । उक्त क्षेत्रमा बाटो खुलाउन गएका प्रहरी टोलीमाथि माओवादीले आक्रमण गरेको थियो । आक्रमणका बेला प्रहरीहरु मोटरसाइकलमा यात्रा गरिरहेका थिए । नक्सलीहरुले प्रहरीको मोटरसाइकलमा आगो लगाइदिएका छन् भने उनीहरुको हतियारहरु लुटेर लगेका छन् । उक्त आक्रमण घाइते भएका दुई प्रहरीको उद्दार गरी जगदलपुरको अस्पतालमा लगिएको छ । -